Atalǵan lagerde demalyp júrgende kenetten kóz jumǵan 14 jasar jetkinshektiń ólimine baılanysty mınıstrlik janynan arnaıy komıssııa quryldy. Onyń quramynda Balalardyń quqyǵyn qorǵaý komıteti, bilim basqarmasy men quqyq qorǵaý organdarynyń ókilderi bar.
Aıta ketsek, Densaýlyq saqtaý mınıstrligi men ózge de quzyretti organdar atalǵan jaǵdaıǵa baılanysty tekserý jumystaryn bastap ketken. Al qazirgi jasalǵan saraptama nátıjesi balanyń IV dárejeli qaterli isikpen aýyrǵanyn kórsetti.
«Barlyq máseleler ádiletti túrde qatań tekseriledi. Ol meniń jiti baqylaýymda. Komıssııanyń tekserý qorytyndysy boıynsha lagerdiń basshylyǵyna qatań tıisti jaza qoldanylatynyn atap ótkim keledi. Qalǵan máselelerge qatysty quqyq qorǵaý organdarymen birge tekserý júrgizilip jatyr. Barlyq máseleler tolyq anyqtalǵannan keıin naqty sheshim týraly habarlaıtyn bolamyz», dedi Oqý-aǵartý mınıstri Ǵanı Beısembaev.
