Ulttyq ekonomıka mınıstri Álibek Qýantyrov respýblıkada 6 293 aýyldyq eldi meken baryn, onda 7,8 mln adam turatynyn baıandady. Olardyń qatarynan damý áleýeti joǵary 3,5 myń aýyl irikteldi (barlyq aýyl turǵyndarynyń 90%-y). Olardy jańǵyrtý «Aýyl – El besigi» jobasy aıasynda basym tártippen júzege asyrylady.
Bıyl 736 aýylda 143 mlrd teńgege taǵy 1,5 myń jobany iske asyrý josparlanǵan: 119 joba TKSh salasynda, 275 joba áleýmettik ınfraqurylym bóliginde, sondaı-aq 1,1 myń joba aýyl ishindegi joldardyń jaǵdaıyn jaqsartý boıynsha iske asyrylmaq.
Premer-mınıstr 2027 jylǵa qaraı áleýeti joǵary 3,5 myń aýyldyń bárin О́ńirlik standarttar júıesine saı damytý josparlanyp otyrǵanyn atap ótti.
«Oǵan sáıkes aýyldarda sapaly joldar men mádenıet, sport jáne densaýlyq saqtaý obektileri, mektepter mindetti túrde bolýy tıis, sondaı-aq aýyl ınfraqurylymyn damytýǵa basa mán beriledi. Bizdiń basty maqsatymyz – aýyldaǵy ómir sapasyn jaqsartý. Qazirdiń ózinde naqty nátıjeler bar», dedi Álıhan Smaıylov.
Úkimet basshysy Atyraý, Qostanaı, Soltústik Qazaqstan, Túrkistan oblystarynda jobalardy paıdalanýǵa berý qarqyny jaqsy ekenin atap ótti. Bul oraıda Ulytaý jáne Batys Qazaqstan oblystary osy kórsetkish boıynsha artta qalyp otyr.
«Atalǵan óńirlerdiń ákimderi buǵan erekshe nazar aýdarýy qajet. Sonymen qatar iske asyrý merzimderi boıynsha artta qalýǵa jol bermeý kerek», dedi Álıhan Smaıylov.
Premer-mınıstr barlyq josparlardy júzege asyrý 40 myńǵa jýyq jumys ornyn qurýǵa múmkindik berip, aýyldyq aýmaqtardy damytýǵa jańa serpin beretinin aıtty.
«2027 jylǵa qaraı aýyldyq eldi mekenderde sýdyń sapasy men joldardyń jaǵdaıy jaqsarady, ınjenerlik jeliler jóndelip, áleýmettik, mádenıet jáne sport obektileri salynady», dedi Álıhan Smaıylov.
Sóz sońynda Úkimet basyshysy Ulttyq ekonomıka mınıstrligi Aýyldyq aýmaqtardy damytýdyń 2023-2027 jyldarǵa arnalǵan tujyrymdamasyn ázirleý barysynda bolashaǵy bar aýyldardy aıqyndaý ádisterin ózektendirip, О́ńirlik standarttar júıesin jetildirý jónindegi jańa tásilderdi eskerýi qajet ekenin atap ótti.
