Qoldanystaǵy zańnamany aınalyp ótip jasalǵan barlyq mámile (aldyn ala brondaý sharty, rezervteý sharty, ınvestısııalaý sharty, talap etý quqyǵyn basqaǵa berý sharty) tómende kórsetilgen kóppáterli turǵyn úı keshenderinde jaramsyz bolyp sanalady.
«Sizdiń qarajatyńyzdyń saqtalýy úshin Astana qalasynyń ákimdigi abaı bolýdy eskertedi jáne ruqsat qujattary joq (qurylysqa ruqsat, «Jobalardyń memlekettik vedomstvodan tys saraptamasy» ShJQ RMK oń qorytyndysy) turǵyn úılerdiń páterin satyp alýdy keńes etpeıdi», delingen habarlamada.
Eske sala ketsek, úleskerlerdiń qarajatyn tıisti ruqsatsyz qabyldaýǵa «Turǵyn úı qurylysyna úlestik qatysý týraly» Qazaqstan Respýblıkasynyń zańnamasymen tyıym salynady, bul rette Qazaqstan Respýblıkasynyń Ákimshilik quqyq buzýshylyq týraly Kodeksiniń 320-baby, sondaı-aq Qazaqstan Respýblıkasy Qylmystyq kodeksiniń 214-baby boıynsha kásipkerlik qyzmettiń tyıym salynǵan túrlerimen aınalysqany úshin jaýapkershilik qarastyrylǵan.
Barlyq suraq boıynsha Astana qalasy, Saryarqa aýdany, Beıbitshilik kóshesi, 9 mekenjaıy boıynsha «Astana qalasynyń qalalyq orta sapasy jáne baqylaý basqarmasy» MM-ge habarlasýyńyz qajet. Baılanys telefondary: 8 (7172) - 55-04-28, 55-67-03.
Nysandar tizimimen myna silteme arqyly tanysýǵa bolady.
