Mınıstr bıyl mádenıet salasynyń tartymdylyǵyn arttyrý maqsatynda aýqymdy jumystar júrgiziletinin aıtty.
«Bıyl da sala qyzmetkerleriniń áleýmettik jaǵdaıyn jaqsartý nazardan tys qalmaıdy. Shyǵarmashylyq joǵary oqý oryndaryndaǵy konsertmeısterler, sondaı-aq úrmeli mýzykalyq aspaptarda oınaıtyn memlekettik mádenıet uıymdarynyń qyzmetkerleri, bı ansambli artısteriniń ál-aýqatyn kóterý josparlanyp otyr. Osy oraıda zańnamalyq aktilerge tıisti ózgerister engizý jumystary bastalyp ketti», dedi Ashat Oralov.
