Mahambet ýnıversıtetiniń bir top ǵalymy Qazaqstan Respýblıkasy Ǵylym jáne bilim mınıstrligi Ǵylym komıteti jarııalaǵan grantty jeńip alyp, 2020-2022 jyldary «Batys Qazaqstan sý qoımalarynyń gıdrobıonttary men mıkrobıomynyń jaǵdaıyn baǵalaý jáne olardyń ózgeristerin boljamdaý» atty ǵylymı jobany atqarǵan bolatyn. Osy joba aıasynda Mahambet ýnıversıtetiniń rektory, bıologııa ǵylymdarynyń kandıdaty, professor Nurlan Serǵalıevtiń jetekshiligimen óńirimizdegi 12 sý qoımasy keshendi zertteldi.
Mine, osy joba kezinde ǵalymdar Shalqar kólinde júrgizilgen gıdrobıologııalyq zertteý nátıjesinde zoobentos organızmderiniń 9 túrin tirkep, buǵan deıin ǵylymı derekterde kezdespegen shaıantárizdilerdiń Turkogammarus aralensis (Uljanin, 1874) túrin anyqtaǵan. Jańadan tabylǵan jándik 4-15 mm shamasynda eken.
Osy zertteý jumystaryna Reseı jáne Lıtva ǵalymdary qyzyǵýshylyq tanytqan. Sóıtip, atalǵan elder ǵalymdarymen birge ónimdi jumys júripti. Onyń nátıjesi jaqynda Scopus derekqoryna kiretin «Zootaxa» jýrnalynda jarııalanǵan. Maqala «Turcogammarus aralensis (Uljanin, 1875), relıkti shaıantárizdiler – Aral-Kaspıı paleobasseıniniń amfıpodtary: qaıta sıpattamasy, fılogenetıkalyq pozısııasy jáne bıogeografııasy» dep atalady.
Batys Qazaqstan oblysy
