Kenshiler mınıstrmen kezdeskisi keledi

Sodan beri júıeli túrde kenshi ujymymen kezdesip, olardyń máseleleri talqy­lanady. Sonyń nátıjesinde osy komıssııa arqyly ken­shilerdiń biraz usynys-tilegi oryndaldy. Aımaq basshysy Ermaǵambet Bólekpaev ótkizgen komssııanyń kezekti otyrysynda kenshiler erte zeınetke shyǵýdy pysyqtaý úshin Eńbek jáne áleýmettik qorǵaý mınıstrimen kezdeskileri keletinin jetkizdi.

– Kelisim komıssııasy tu­raq­ty negizde jumys isteıdi. Kenshilerdi tolǵandyratyn máselelerdiń kópshiligi oń sheshimin tapty. Bul, árıne, bizdiń kásiporyndardyń turaq­ty jumysyna yqpal etedi. Biraq biz jaýabyn kútken bir­­qa­tar júıeli suraq bar, – deı­di «Qorǵaý» kómir ón­dirý­shiler kásipodaǵynyń tóraǵa­sy Evgenıı Býslaev. Onyń eń bastysy – erte zeınetke shyǵý. Kenshiler osy oraıda mınıstrliktiń ustanymyn bilgisi keledi. Ol úshin Eńbek jáne áleýmettik qorǵaý mınıstrmen kezdesýdi suraıdy. Oblys ákimi E.Bó­lekpaev bul oraıda kómek bere­tinin aıtyp otyr.

Sonymen qatar otyrysta «ArselorMıttal Temirtaý» AQ Kómir departamentiniń shahtalaryn damytý áleýetin qarastyrý da umyt qalǵan joq. Kompanııa ókilderi shahtalarǵa qatysty ınvestısııalyq jobalar, qural-jabdyqtardy jańartý jóninde baıanda­dy. Aımaq basshysy «Arselor­Mıttal Temirtaý» basshyly­ǵyna ınvestısııalyq baǵdar­lamamen ár shahta ujymynyń tanysýǵa tıistigin atap, ony ujymdarǵa usynýdy talap etti.

– Bul aqparat qoljetimdi bolýy kerek. Investısııalyq tanystyrylymdarmen kásip­oryndardyń ózderi de tanysýy qajet. Kezdesýler ót­kizińizder, talqylańyzdar. Kenshiler óz shahtalarynyń bolashaǵyn kórip, bilýge tıis, – dedi E.Bó­lekpaev. Bul jolǵy otyrys­ta kenshilerdi saýyqtyrý da sóz boldy. «Shah­ter» já­ne «Jartas» demalys úıi jóndeýge jabylǵan. Degenmen kenshilerdiń Qazaq­stannyń kez kelgen shıpajaıy­na joldama alýyna ruqsat. Kompanııa je­tekshileri bul turǵyda eshbir qıyndyq týyndamaıtynyna ýáde beredi.

Qaraǵandy oblysy