Jastarymyz 2023 jylǵy qysqy Ýnıversıadada 11 medal enshiledi. Qazaqstan delegasııasyn Ulttyq ǵylymı praktıkalyq dene tárbıesi ortalyǵynyń bas dırektory Sadyqov Saǵdat Kábiruly bastap barǵan edi. Biz bas dırektormen áńgimelestik.
- Saǵdat Kábiruly, AQSh-tan jetken aqjoltaı jańalyqtarǵa qýanyp otyrmyz. Stýdentterimiz jarap-aq tur!
- Sońǵy jarys kúninde bizdiń hokkeıshiler Japonııa komandasyn 8-1 esebimen utyp, elimizge qola medal syılady. Budan buryn Kanada komandasyn utady degen oıda bolǵan edik. 4-1 esebimen jeńilsek te, tartysty ótken oıynnan bizdiń komandanyń saǵy synbady. Olaı deıtin sebebim, «AQSh komandasymen negizgi oıyn ýaqytynda teń dárejede oınap, qosymsha ýaqytta ese jibergen Japonııamen kezdesý qalaı bolar eken» degen ýaıymym boldy. Biraq bul kúdigim hokkeıshilerimizben tildesken soń seıildi. «Kimmen jáne qalaı oınaǵanyna qaramańyz, biz jeńemiz!» degen sózderi óte senimdi shyqty. Kózderinde ot, sózderinde jalyn bar bizdiń jastarǵa senim arttym. Senimdi aqtady. Sózderinde turdy. Alpaýyt 12 memlekettiń jas hokkeıshileriniń básekesinde Qazaqstannyń komandasy júldeger atandy. El qorjynyna eń sońǵy júldeni shańǵymen júgirýden synǵa túsken Ksenııa Shalygına saldy. Búgin Ýnıverısadanyń jabylýy boldy.
- Bárekeldi! Ýnıversıadaǵa qatysýshylar qalaı tańdaldy?
- Bir mysal keltire keteıin, AQSh-ta ár oqý ornynyń óz hokkeı klýbtary bar. Al biz ondaı deńgeıge áli jete qoıǵan joqpyz. Sondyqtan biz ýnıversıtetter arasynda irikteý ótkizdik. Sondaı-aq qysqy sport túrlerinen óner kórsetetin Ulttyq qurama sapyndaǵy stýdent jastarǵa senim arttyq. Federasııa usynǵan ári myqty, ári stýdent sportshylardy Nıý-Iorkqa alyp keldik.
- Bul jolǵy Ýnıversıadada qysqy sport túrlerinen osal degen synǵa qalyp jatatyn qarakózderimizdiń kóptep qatysqanyn baıqadyq jáne olar jeńimpaz bolyp, júldeger atanyp jatty.
- Iá, bul nátıjeler – kóńilge erekshe jylý syılady. Aıta ketý kerek, qysqy Ýnıvesıadada tuńǵysh ret qazaq balasy bıatlonnan chempıon boldy. Eshkimdi bólip-jaryp otyrǵanym joq. Biraq tarıhı fakt ekeni ras. Taǵy bir aıta ketetin jaıt: buryndary Ýnıversıdaǵa qatysqan sportshylarymyzdyń kóbi kósh sońynda qalyp qoıyp jatatyn kezder jıi bolatyn. Al bul joly bári de laıyqty óner kórsetti. Qazaqstandyq sportshy jastar ózge básekelesterine tabandy qarsylyq kórsete aldy. Osylaısha, qysqy sport túrlerinen bolashaqta Olımpıada altynyn kóptep kútýge bolady degen oıǵa qalyp otyrmyn. Árıne álde de eńbektenýimiz kerek. Jalpy qysqy Olımpıadaǵa uıalmaı jibere alatyn sportshylarymyz bar.
- Osy joly ótkizilgen Ýnıversıadanyń ereksheligi bar ma?
- Buryndary bul dodaǵa 28 jasqa deıingi sportshylar qatysatyn. Al osy joly 25 jastaǵy jastar baq synady. Soǵan qaramastan qol jetkizgen jetistikterimizdi estip-kórip otyrsyzdar. Sol sebepti Olımpıada oıyndarynda úmit kúttiretin sportshylarymyz bar dep aıtýǵa bolady. Endi biz Ulttyq ǵylymı praktıkalyq dene tárbıesi ortalyǵy retinde elimizde qysqy sport túrleriniń qaısysyn damyta alamyz jáne lıgalardy qalaı qalyptastyramyz degen máselelerdi oılasyp otyrmyz. Biz osy baǵyttaǵy jumystardy qolǵa alýymyz kerek. Máselen, ózińiz de kúni keshe Qazaqstan men Kanada arasyndaǵy hokkeı oıynyn tamashalaǵan shyǵarsyz. Kanadalyq hokkeıshi stýdentter qalaı óner kórsetti! Iаǵnı, Kanada memleketi úshin kelesi Olımpıada oıyndaryna qatysatyn sportshylar daıyn degen sóz. Biz de osy baǵytta jumys isteýimiz kerek.
- Aldaǵy josparlaryńyz jaıly bile otyrsaq...
- Buıyrsa, Qytaıda ótetin jazǵy Ýnıversıadaǵa el ishinde irikteý ótikizemiz. Daıyndyq bastalady. Stýdentter odaǵymmen birlesip reglament jasaımyz. Sosyn irikteýde top jarǵan jastardy Qytaıǵa alyp baramyz. Sonymen qatar Joǵary bilim jáne ǵylym mınıstri Saıasat Nurbektiń tapsyrmasymen stýdentterdi Ýnıversıadaǵa jaı ǵana alyp barmaımyz, biz aldymen oqý-jattyǵý jıynyn ótkizemiz jáne olarmen birge ǵylymı jumystar júrgizemiz.
- Qazaqstandyq jastardyń qysqy sport túrlerine degen qyzyǵýshylyǵy jaıly aıta alasyz ba?
- Ýnıversıada – Olımpıadadan keıingi eń iri doda. Sondyqtan keleshekte Olımpıada júldelerine zor úmitpen qaraýǵa bolady. Biraq bul jerde ǵylymı jumystar júrgizilýi qajet. Keshe biz Japonıadan kelgen áriptesterimizben sóılestik. Olar qysqy sport túrlerine qatty mán berip otyr. Bir ǵana mysal, kezinde shańǵymen syrǵanaýdan Qazaqstan qaı tuǵyrda turdy, Japonııa qaı satyda edi? Al qazir japondar bizdi basyp ozdy. Tipti, hokkeı tóńireginde de oılanatyn suraqtar kóp. Mine, osyndaı máselelerdi sheshý úshin jumystardy mektepten bastaýymyz kerek. Bul rette Oqý aǵartý mınıstrligi de úlken sharýalar atqarǵaly otyr. Sondyqtan osylardy bir júıege keltirýimiz kerek. Mysaly, mektep – stýdent – ulttyq komanda degen úsh saty jasaýymyz qajet. Qazirgi ýaqytta soǵan qaraı bet buryp otyrmyz.
- Áńgimeńizge rahmet!
Aıtpaqshy, búgin túnde sportshylardyń aldy elge orala bastaıdy. Aıta keteıik, el qorjynynda úsh altyn, tórt kúmis jáne tórt qola bar.
Bıatlon - Kýrales Vadım Vadımovıch (1 oryn)
Shańǵymen sekirý - Vasılev Danıl Iýrevıch (1 oryn)
Bıatlon – erler komandalyq sprınt 10 km:
Turlybekov Bekentaı Muratuly - 1 oryn
Mýhın Aleksandr Aleksandrovıch – 3 oryn
Áıelder arasynda 3 × 5 km estafetalyq shańǵy jarysy – (3 oryn)
- Raqysheva Aısha Vıktorqyzy,
- Shalygına Ksenııa Vladımırovna,
- Stepashkına Nadejda Aleksandrovna.
Shańǵy jarysy Mass start 15 km – Shalygına Ksenııa Vladımırovna (3 oryn)
Erler arasyndaǵy tramplın – 2 oryn
1.Vasılev Danıl Iýrevıch,
2. Tkachenko Sergeı Vıktorovıch.
Short-trekten komandalyq mıks (2000 m) - 2 oryn
- Ájǵalıeva Alına Ýrazbekqyzy
- Han Iаna Vıtalevna
- Ermek Malıka Jambylqyzy
- Ǵalıahmetov Ádil Qazbekuly
- Shamýhanov Erkebulan Qazbekuly
- Ábilqatymov Álisher Maqsutuly
Erler arasynda bıatlonnan Mass start (15 km) - Mýhın Aleksandr Aleksandrovıch (2 oryn)
Erler (5000 m) - 2 oryn
- Ǵalıahmetov Ádil Qazbekuly
- Shamýhanov Erkebulan Qazbekuly
- Klımenko Valerıı Andreevıch
- Jánisov Sanjar Saparbekuly
- Hvan Anton Iýrevıch
Shaıbaly hokkeı - 3 oryn
- Gavrılenko Ivan
- Dıhanbek Mádı
- Korolev Artem
- Polohov Kırıll
- Kırıll Nıkıtın
- Súleımenov Abylaıhan
- Danıl Býtenko
- Aleksandrov Stanıslav
- Boıko Oleg
- Borısevıch Aleksandr
- Andreı Býıalskıı
- Gýseınov Dıas
- Danııar Saıan
- Muhametov Maksım
- Mýsorov Maksım
- Muratov Batyrlan
- Mańǵysbaev Abaı
- О́mirbekov Álıhan
- Logvın Vsevolod
- Qarataev Denıs
- Roman Kalmykov
- Andreı Shýtov
Áńgimelesken Janbolat KENJEǴUL
