Is-sharaǵa ortalyq memlekettik organdardyń, Ulttyq banktiń, «Samuryq-Qazyna» UÁQ, Joǵary aýdıtorlyq palatanyń, Ekonomıkalyq zertteýler ınstıtýtynyń jáne HVQ ókilderi qatysty.
Kezdesý barysynda taraptar ekijaqty yntymaqtastyq máselelerin talqylap, HVQ mıssııasynyń jumysyn bastady. Tehnıkalyq kómek sheńberinde sheteldik sarapshylar bıýdjet-salyq salasynyń ashyqtyq deńgeıin baǵalaıtyn bolady. Atap aıtqanda, bıýdjettik eseptilikti, salyq-bıýdjettik boljamdardy jáne bıýdjetti qalyptastyrý, bıýdjettik táýekelderdi taldaý men basqarýdy, sondaı-aq tabıǵı resýrstardan túsetin túsimderdi basqarýdy zerdeleý josparlanýda.
Ulttyq ekonomıka vıse-mınıstri A.Ámrın atap ótkendeı, HVQ-nyń baǵalaý qorytyndylary boıynsha usynymdary bıýdjet-salyq saıasatyn odan ári jetildirý sheńberinde, onyń ishinde jańa Bıýdjet jáne Salyq kodeksterin ázirleý kezinde paıdalanylatyn bolady.
Halyqaralyq valıýta qorynyń mıssııasy 6 aqpanǵa deıin jalǵasady. HVQ sarapshylary QR Parlamenti Senatynyń depýtattarymen, ortalyq memlekettik organdardyń ókilderimen birqatar kezdesýler ótkizedi.
