Tárbıeshiler biliktiligin arttyrady

Elordalyq Bilim basqarmasynyń basshysy Qasymhan Senǵazyevtyń aıtýynsha, osy jyly tárbıeshilerdi biliktiligin arttyrý kýrstarynan ótkizýge, bilim oshaq­tarymen qamtýǵa, ásirese apatty jáne úsh aýysymdy mektepterdi joıýǵa erek­she nazar aýdarylady.

«Bıyl balabaqshalardaǵy oryndardy ulǵaıtý maqsatynda jekemenshik mektepke deıingi uıymdarda 8 myń orynǵa memlekettik tapsyrys ornalastyrylady. Sonymen qatar turǵyn úı keshen­deriniń birinshi qabattarynda qadam­dyq qoljetimdilik qaǵıdaty boıynsha 200 orynǵa arnalǵan balabaqshalar jelisi ashylady. Byltyr balabaqsha tár­bıe­shi­leriniń 120 pedagogi qaıta daıarlaý kýrs­taryn jáne 641 pedagog biliktiligin arttyrý kýrstarynan ótti. 2023 jyly mektepke deıingi bilim berý pedagogterine arnalǵan biliktilikti arttyrý kýrstarynan jalpy 1 012 tárbıeshi ótedi. 2025 jylǵa deıin beıindi bilimi bar tárbıeshilerdiń úlesin kezeń-kezeńimen 100%-ǵa jetkizemiz», dedi Q.Senǵazyev.

Atalǵan basqarmanyń aqparatyna sáıkes, 2023 jyly 34 balabaqshadaǵy sha­ǵyn sáýlet nysandary aýystyrylady. Al 2025 jylǵa deıin balabaqshalardaǵy sha­ǵyn sáýlet nysandary 100% jańar­ty­lady.

Sonymen qatar bıyl tehnıkalyq jáne kásiptik bilim berý uıymdaryna 1 400 orynǵa pedagogıkalyq mamandyqtar boıynsha memlekettik bilim berý tapsyrysy ornalastyrylady. 2022 jyly 3 077 pedagog biliktilikti arttyrý kýrstarynan ótse, 2023 jyly 5 481 pedagog kýrstan ótedi.

Bıyl mektepterde kórkem ádebıet qoryn ulǵaıtý maqsatynda bıýdjetten 100 mln teńge bólinedi. Kitaphanalardyń ın­tererin qaıta jańǵyrtý boıynsha jumys jalǵasýda. Búgingi tańda qala­nyń 36 mektebinde kitaphanalar zamanaýı jabdyqtaldy. Elordalyq 46 mektepte oqyrmandarǵa arnalǵan kovorkıng alańdary ashyldy. 2023 jyldyń 2 toqsanynyń sońyna deıin 19 mektep kitap­hanalarynyń ıntereri j­a­ńar­ty­lyp, jańa kovorkıng orta­lyq­ta­ry ashylady.

Buǵan qosa 2022 jyly 41 mektepke 64 pándik kabınetter satyp alý arqyly mektepterdiń 70,3%-y jańartylǵan pándik kabınettermen jabdyqtaldy. 2023 jyly 22 mektepke 29 pándik kabınet satyp alynady. Bıyl da qosymsha bilim berý uıymdarynyń jelisin damytý bo­ıynsha jumystar qarqyndy jalǵasady. 2023 jyly qalamyzda 2 myńnan asa oqýshyny qamtıtyn oqýshylar saraıy iske qosylady. Qosymsha bilim berý uıymdaryna 1 364 orynǵa memlekettik tapsyrys ornatylady.

Sondaı-aq 2022 jyly ınklıýzıvti bilim berý boıynsha memlekettik tapsyrys 2021 jylmen salystyrǵanda 12 orynnan 97 orynǵa deıin artty. «Bilimdi ult» sapaly bilim berý» ulttyq jobasyn iske asyrý aıasynda memlekettik bilim berý tapsyrysy 4 800 orynnan 7 300 orynǵa deıin ulǵaıtyldy. Bul kórsetkish 2023 jyly 8 500 orynǵa deıin kóbeıedi.