«Plıýralızm memleketti evolıýsııalyq jolmen damytýǵa múmkindik beredi. Bizde saıası kózqarasy ártúrli partııalar bar. Kandıdattardyń túrli másele boıynsha ustanymdarynyń birdeı bolmaýy da zańdy qubylys. Biraq kózqarastary múlde qabyspaıtyn ymyrasyz qarsylastardyń ózine ortaq qundylyqtar bar. Ol – bizdiń qasıetti Otanymyz jáne qasterli Táýelsizdigimiz», dedi Memleket basshysy.
Sondaı-aq Prezıdent bul týraly «Táýelsizdik bárinen qymbat» atty maqalasynda jazǵanyn eske saldy.
«О́ıtkeni, Táýelsizdik úshin kúres kúndelikti eńbekpen jáne eldik saıasatpen tyǵyz baılanysyp jatyr. Bolashaqtyń aldynda bárimiz birdeı jaýap beremiz. Keıingi urpaq kimniń saıası ustanymy qandaı bolǵanyna mán beredi.
Aǵa býynnyń olarǵa qandaı memleketti mıras etkenine qarap, búgingi kúnin baǵalaıtyn bolady. Sondyqtan biz ortaq maqsat jolynda birigýimiz kerek», dedi Qasym-Jomart Kemeluly.
