2023 jyldyń 20 qańtaryndaǵy jaǵdaı boıynsha bankter teńgedegi salymdar boıynsha ótemaqy (syılyqaqy) tóleýge 304,4 mlrd teńgege ótinishter qabyldady. Bul memleket tarapynan tólenýge jatatyn ótemaqynyń áleýetti somasynyń 92,3 paıyzyn quraıdy.
Qazaqstannyń depozıtterge kepildik berý qory 5 mıllıonnan astam depozıtordyń salymdary ótemaqy tólenýge jatatynyn málimdedi. Statıstıka boıynsha depozıtterinde 1 mln teńgeden astam aqshasy bar azamattardyń 94 paıyzy ótemaqy alýǵa ótinish bergen.
– Qarjy mınıstrligi men Ulttyq bank ázirlegen baǵdarlamanyń qaǵıdalaryna sáıkes keletin depozıtterdiń barlyǵy, olardaǵy aqsha qaldyǵynyń mólsherine qaramastan, syılyqaqy esepteletindigin eske salamyz. Bankterge baryp, ótemaqy alýǵa kelisimin áli rastamaǵan depozıtorlar 2023 jyldyń 10 aqpanyna deıin kelisimin rastaı alady. О́tinishti bank bólimshelerinde nemese mobıldi qosymsha arqyly onlaın túrde berýge bolady. Bankter ótemaqyny 2023 jyldyń 23 aqpanynan keıin tóleı bastaıdy. 10 paıyzdyq ótemaqy eseptelýi múmkin maksımaldy soma bir bankte 20 mln teńgeni quraıdy, – deıdi Qazaqstannyń depozıtterge kepildik berý qory tóraǵasynyń orynbasary Almas Qudaıbergenov.
Syılyqaqy alýdyń basty sharty – salym 2023 jyldyń 23 aqpanyna deıin saqtalýǵa tıis. О́temaqy depozıtte jyl barysynda saqtalǵan eń az somaǵa esepteletin bolady.
Eske salaıyq, Úkimettiń 2022 jylǵy 30 jeltoqsandaǵy qaýlysyna sáıkes ótemaqy tóleýge ótinish berý merzimi uzartyldy. Endi salymshylar bankterge osy jyldyń 10 aqpanyna deıin júgine alady.
Aqtóbede Saǵı Jıenbaevqa arnalǵan art-obekt paıda bolady
Mádenıet • Búgin, 12:12
Álıhan Smaıylov Premer-mınıstr laýazymynda qaldy
Taǵaıyndaý • Búgin, 11:57
Prezıdent Májiliske jańa Premer-mınıstrdiń kandıdatýrasyn usyndy
Prezıdent • Búgin, 11:49
Úkimet bıýrokratııany barynsha azaıtýy kerek - Memleket basshysy
Saıasat • Búgin, 11:45
Úkimet kúrdeli kezeńdegi jańa talapqa tez beıimdeldi - Prezıdent
Prezıdent • Búgin, 11:41
Prezıdent saıası partııalar fraksııalarynyń jetekshilerimen keńes ótkizdi
Prezıdent • Búgin, 11:37
Uqsas jańalyqtar
