Baǵdad Ámireev Vengrııanyń Premer-mınıstri Vıktor Orbanmen kezdesýi barysynda Vengrııa men túrki álemi arasyndaǵy túrli salalardaǵy yntymaqtastyq, ásirese ekonomıka, saýda jáne qarjy salalaryndaǵy yntymaqtastyq talqylandy.
Premer-mınıstr men Túrki memleketteri ınvestısııalyq qory prezıdenti qor qurylymdaryn, basymdyqtaryn, sondaı-aq Vengrııanyń osy qarjy ınstıtýtyna qatysýyn talqylady.
Vıktor Orban men Baǵdad Ámireev sondaı-aq álemdegi qazirgi saıası jáne ekonomıkalyq oqıǵalardyń ózekti taqyryptary boıynsha pikir almasty.
Vengrııa Syrtqy ister mınıstri Peter Sııarto men Túrki ınvestısıalyq qory prezıdenti Baǵdad Ámireev arasyndaǵy kezdesýde taraptar Túrki ınvestısııalyq qoryn qurý barysy, sondaı-aq Túrki álemindegi ekonomıkalyq kún tártibindegi basqa da máseleler jóninde pikir almasty.
Peter Sııarto Vengrııanyń Túrki ınvestısııalyq qorynyń qurylymdarynda belsendi ról atqarýǵa daıyn ekenin jáne Qormen saýda, kólik, energetıka jáne basqa da salalarda birlesken jobalardy júzege asyrýǵa belsene kirisetinin bildirdi.
Premer-mınıstrdiń orynbasary jáne Qarjy mınıstri Mıhalı Varga jáne Baǵdad Ámireev túrki memleketteri arasyndaǵy ekonomıkalyq yntymaqtastyqtyń keń aýqymdy máseleleri boıynsha pikir almasty.
Baǵdad Ámireev vengr basshylarymen kezdesýinde Vengrııanyń túrki yntymaqtastyǵyndaǵy asa mańyzdy róline toqtalyp, Vengrııanyń túrki uıymdaryna múshe bolýy túrki áleminiń tarıhı geografııasyn keńeıtip, onyń halyqaralyq arenadaǵy róli óskenin aıtty.
Túrki ınvestısııalyq qory túrki memleketterinde qurylǵan alǵashqy jáne negizgi birlesken qarjy ınstıtýty bolatynyn jáne túrki elderi arasyndaǵy ishki saýda-ekonomıkalyq yntymaqtastyqty nyǵaıtýǵa jáne birlesken jobalardy júzege asyrýǵa jumyldyrýdy maqsat etetinin málimdedi.
