Qoǵam • 28 Qańtar, 2023

V jáne S vırýstyq gepatıtterin joıý jónindegi baǵdarlama iske qosylady

60 ret kórsetildi

Búgin vıse-mınıstr Vıacheslav Dýdnıktiń tóraǵalyǵymen Densaýlyq saqtaý mınıstrliginde CDAF aýrýlardy taldaý ortalyǵy Qorynyń ókilderimen kezdesý ótti, dep habarlaıdy Egemen.kz Densaýlyq saqtaý mınıstrliginiń baspasóz qyzmetine silteme jasap.

10 000 adamdy qamtı otyryp, Astana qalasynda V jáne S vırýstyq gepatıtterin joıý jónindegi pılottyq baǵdarlamany iske asyrýdy talqylaýǵa aýrýlardy taldaý ortalyǵy (CDAF) Qorynyń Basqarýshy dırektory Homı Razavı, О́zbekstan Respýblıkasynyń CDAF ókili Sadırova Shahlo, QR DSM qurylymdyq bólimsheleriniń mamandary (MKUD,JB D), sondaı-aq osy jobanyń kýratory «Ulttyq ǵylymı onkologııa ortalyǵy» JShS qatysty.

Vıacheslav Dýdnık óziniń quttyqtaý sózinde bul jobany Qazaqstanda iske asyrýdyń mańyzdylyǵyn atap ótti. О́ıtkeni búgingi tańda vırýstyq gepatıttermen syrqattaný problemasy bizdiń elimizde ǵana emes, búkil álemde ózekti bolyp tur. Vırýstyq gepatıt baýyrdyń aýyr aýrýyn jáne gepatosellıýlıarlyq karsınomany týdyrady. Sondaı-aq ol vırýstyq gepatıtterdiń profılaktıkasy boıynsha barlyq uıymdastyrýshylyq jáne aqparattyq-túsindirý jumystary, onyń ishinde SО́S aspektileri birlesip pysyqtalatynyna jáne pılottyq joba qysqa merzimde bastalatynyna sendirdi.

Osy jobany iske asyrýdyń arqasynda S vırýstyq gepatıtin ýaqtyly anyqtaý, emdeý jáne onyń asqynýlarynyń aldyn alý úshin halyqty jalpyǵa birdeı skrınıngteý máselesi pysyqtalady, bul sırroz men baýyr obyrynan bolatyn ólimdi azaıtýǵa múmkindik beredi.

Uqsas jańalyqtar