Týrızmdi damytý máseleleri jónindegi kóshpeli alqa otyrysynda Mádenıet jáne sport vıse-mınıstri Erjan Erkinbaev týrızmniń glempıng baǵytyn damytýǵa kóńil bólinip jatqanyn atap ótti.
«Aýyldyq jerlerde kempıngter men qonaqúıler salý boıynsha zańnamalyq shekteýler bar. Statıstıkaǵa sáıkes, elimizde 219 myń fermerlik, sharýa qojalyǵy bar. Osy oraıda fermerlerge aýyl sharýashylyǵy jerleriniń 10%-dan aspaıtyn kólemin týrısterge qyzmet kórsetý úshin qonaqúıler men glempıngter salýǵa ruqsat berýdi usynamyz», dedi E.Erkinbaev.
Mınıstrliktiń boljamy boıynsha, fermerlik sharýashylyqtardyń kem degende 1%-y týrısterdi ornalastyrýmen aınalyssa, kem degende 2 adamdy jumysqa alsa, jyl saıyn 6,6 myń adam jumys ornymen qamtylady.
О́tken jyly elimizdiń 8 óńiri – Almaty, Aqmola, Aqtóbe, Mańǵystaý, Pavlodar, Túrkistan oblystarynda jáne Almaty, Shymkent qalalarynda 28 glempıng kesheni ashylǵan. Jaqyn arada osyndaı keshender «Altynemel» ulttyq parkinde, Qarqaraly aýdanynda paıda bolady. Sondaı-aq Aqtóbe, Jambyl, Soltústik Qazaqstan oblystarynda osyndaı nysandardyń qurylysy josparlanǵan. Osy oraıda mundaı agrotýrızm nysandary Fransııa, Germanııa, Aýstrııa, Argentına, Belarýs sııaqty elderde óte tanymal ekenin aıta ketken jón.
