Mejdýrechensk kentiniń mańyndaǵy kúdikti qurylys polıseılerdiń nazaryn aýdarǵan. Baqylaý barysynda belgisiz adamdardyń bir gektar jerdi tas qorshaýmen qorshap, aýyl sharýashylyq qajettilikteri úshin qajet emes jabdyqtar ákelip, transformatordy elektr jelisine qosqany anyqtalǵan.
Keıin, prekýrsorlar quıylǵan 20 kanıstrdi tasymaldaý kezinde polıseıler eki jergilikti turǵyndy ustady. Ustalǵandardyń aıǵaqtary boıynsha burynǵy fermanyń bir gektar jer ýchaskesin olardyń serigi 18 mıllıon teńgege satyp alǵan.
«Ýchaske bıik qorshaýmen bóten kózderden tolyǵymen jasyrylǵan, turýǵa arnalǵan ýaqytsha úı-jaı, monsha, garaj salynǵan. Ustalǵandar búrkeme retinde qoldanbaq bolǵan malǵa arnalǵan qora jabdyqtalǵan. Zerthanaǵa arnalǵan bólek úı-jaı salynǵan. Temir esiktiń ar jaǵynda birneshe tarapqa bólingen bólmeler bar, olardyń árqaısysy jasandy jeldetýmen jáne qýatty súzgilermen jabdyqtalǵan», delingen habarlamada.
QR QK-niń 296-baby boıynsha esirtkini ótkizý maqsatynsyz asa iri mólsherde zańsyz daıyndaǵany, óńdegeni jáne tasymaldaǵany úshin qylmystyq is qozǵaldy. Ol úshin jeti jylǵa deıingi merzimge bas bostandyǵynan aıyrý jazasy qarastyrylǵan.
