«Buǵan deıin ózgertýler engizýdi talap etetin 66-ǵa jýyq zańnamalyq akt anyqtaldy. Jumysty durys uıymdastyrý úshin ótken jyly synaqtan ótken tásil usynyldy. Jumys toptary retteýdiń árbir salasy boıynsha túzetýler ázirlep, Ulttyq ekonomıka mınıstrligine bekitýge usynady», dedi Álibek Qýantyrov Úkimet otyrysynda.
Onyń aıtýynsha, qazirdiń ózinde birtutas pýl qalyptastyrý úshin 15 baǵyt boıynsha túzetýler engizildi, endi 17 baǵyt qaldy.
«Ázirleý jáne bekitýden keıin Parlamentke engizý satysynda turǵan «Bıznesti júrgizý týraly» zań jobasyna túzetýlerdiń biryńǵaı pýlyn engizý josparlandy. Osyǵan baılanysty, memlekettik organdarǵa Jumys tobynyń múshelerimen birge kodeksterge/zańdarǵa engiziletin ózgerister men tolyqtyrýlardy jedel pysyqtaýdy jáne bir apta merzimde Ulttyq ekonomıka mınıstrligine jınaqtaýǵa usynýdy, sondaı-aq tıisti zańnamalyq aktilerdi engizýdi qamtamasyz etýdi tapsyrýyńyzdy suraımyn», dep tolyqtyrdy mınıstr.
