Elordanyń jastar saıasaty máseleleri basqarmasy polısııa departamentimen jáne qalanyń taksoparkterimen birlesip, fleshmob ótkizdi, dep habarlaıdy Egemen.kz Astana ákimdiginiń resmı saıtyna silteme jasap.
Is-shara «Astana – esirtkisiz qala» keshendi josparyn oryndaý maqsatynda ótkizildi. Fleshmob aıasynda júrgizýshiler esirtki zattarynyń taralýyna qarsy aksııa barysynda avto kómegimen «Biz qarsymyz!» jazýyn beıneledi.
Elordalyq polısııa departamentiniń málimetinshe, esirtki aınalymy problemasy ózektiligin joımaı tur, buǵan esirtkige táýeldi adamdar arasynda, onyń ishinde avtokólik júrgizýshileri arasynda zań buzýshylyqtardyń jıilep ketken faktileri dálel bola alady.
Tyıym salynǵan zattardy satý isimen jolaýshylar tasymaly túrinde kóbine taksı júrgizýshileri aınalysqan. Bul áreketter qylmystyq jaýapkershilikke tartylady jáne 2019 jyldan bastap 6 jylǵa deıin bas bostandyǵynan aıyrýdy kózdeıdi.
«Men taksı júrgizýshi bolyp jumys istegenime birneshe jyl boldy. Kúndiz-túni, aýa raıyna qaramastan, jumysqa shyǵamyz. Áriptesterim sııaqty men de túrli adamdardy kezdestiremin. Biraq sońǵy ýaqytta esirtkige táýeldi jolaýshylar kóbeıgennen, olardyń tilimen aıtqanda jasyrylǵan esirtkini shyǵarý boıynsha shaqyryp, bizdi eriksiz qylmysqa tartyp jatyr. Biz oǵan kóz jumyp tura almaımyz. Sol sebepti osyndaı jaǵdaılarǵa tap bolsańyzdar, úndemeı polısııaǵa habarlasyńyz. Elimizdiń bolashaǵy – jastar. Al olardyń jasap jatqany mynaý, sol sebepti Otanymyzdyń bolashaǵy úshin osy qaıǵymen birge kúreseıik», dedi fleshmobqa qatysýshylardyń biri elorda turǵyndaryna arnaǵan sózinde.
Qoǵam • Búgin, 21:22
Sport • Búgin, 21:21
Ásker • Búgin, 21:20
Áskerılerdiń áleýmettik áleýeti
Ásker • Búgin, 21:19
Aımaqtar • Búgin, 21:17
Qoǵam • Búgin, 21:16
Uqsas jańalyqtar
