Kezdesýge sondaı-aq Baılanys mınıstrliginiń Halyqaralyq departamentiniń dırektory Elına Lýse jáne Qazaqstandaǵy Latvııa elshiliginiń kólik jónindegi jańa attashesi Kalvıs Vıtolınsh qatysty.
Kezdesý barysynda taraptar Qazaqstan men Latvııa arasyndaǵy ekonomıkalyq qatynastardyń negizi bolyp tabylatyn tranzıt-kóliktik salasyndaǵy ekijaqty yntymaqtastyqtyń ózekti máselelerin jan-jaqty talqylady. Suhbattastar 2022 jyly elder arasyndaǵy júk tasymaly 2021 jylmen salystyrǵanda tórt eseden astam óskenin qanaǵattanýshylyqpen atap ótti. Qazaqstandyq kómir, myrysh jáne munaı ónimderiniń tranzıtinde orasan zor ósim baıqaldy.
Kezdesý sońynda qazirgi geoekonomıkalyq ahýal konteksinde ekijaqty tranzıt-kóliktik qatynastarda qol jetkizilgen nátıjelerdi jáne jalpy oń dınamıkasyn saqtaý mańyzdylyǵy atap ótildi.
