Elordada ınternet - alaıaqtyq faktileriniń sany artyp keledi. Bul týraly Astana qalasy polısııa departamenti Krımınaldyq polısııa basqarmasy basshysynyń orynbasary Qaırat Mádıev málimdedi, dep habarlaıdy Egemen.kz
«Jyl basynan beri elordada ınternet-alaıaqtyqtyń 443 faktisi tirkeldi. Kórsetkish aı saıyn artyp keledi. Salystyrmaly túrde alyp qarasaq 2021 jyly 188 fakt tirkelgen. Búgingi tańda 443 fakt boıynsha 45 isti qaraý aıaqtalyp, 148 is toqtatyldy. Sonymen qatar ınternet-alaıaqtyqtyń 150 faktisi ashylyp, nátıjesinde 29 adam ustaldy, onyń 13-i qamaýǵa alyndy», dedi Qaırat Mádıev baspasóz máslıhatynda.
Spıkerdiń aıtýynsha, ınternet-alaıaqtyqpen baılanysty áleýmettik jelilerdegi chattar men saıttardy buǵattaý boıynsha jumystar júrgizilip jatyr. Alaıda, buǵattaý biraz ýaqytty alady, sebebi ınternet-resýrstardyń kópshiligi shetelde shoǵyrlanǵan.
«Internet-alaıaqtyq pen kıberqylmysqa birlesip kúresý maqsatynda IT qoǵamdastyq ókilderimen birneshe jınalys ótti. Eger biz 54 memleket qatysatyn halyqaralyq konvensııaǵa qosylsaq, buǵattalatyn saıttar men chattar sany artady», dep qosty Mádıev.
Sondaı-aq polısııa departamentiniń ókili búgingi tańda ınternet-alaıaqtyq pen kıberqylmystyń aldyn alý boıynsha profılaktıkalyq is-sharalar júrgizilip jatqanyn atap ótti.
Gúlshahra SANSYZBAI
О́skemende KamAZ tirkemesi jaıaý júrginshini qaǵyp ketti
Aımaqtar • Keshe
Elordadaǵy túngi klýbtardyń birinde mefedron satylǵan
Qoǵam • Keshe
Bratıslavada qazaqtyń kıiz úıi tigildi
Álem • Keshe
Bokstan ÁCh: Karına Ibragımova kúmis júldeger atandy
Boks • Keshe
Uqsas jańalyqtar
