Portalda múgedektigi bar adamdarǵa ońaltýdyń tehnıkalyq quraldary men qyzmetterin alarda óndirýshini jáne jetkizýshini óz betinshe tańdaýǵa múmkindik bar. Kómek túrine tapsyrys berý kórsetiletin qyzmetti alýshynyń elektrondy sıfrlyq qoltańbasymen rastaý arqyly júzege asyrylady. Tapsyrys berilgen ońaltýdyń tehnıkalyq quraldaryn jetkizý nemese ózi áketý arqyly alýǵa bolady.
Múgedektigi bar adamdardy ońaltý quraldarymen qamtamasyz etýge protezdik-ortopedııalyq, sýrdotehnıkalyq, tıflotehnıkalyq jáne gıgıenalyq quraldar, sondaı-aq kreslo-arbalar berý jatady.
Búgingi tańda portalda arnaýly áleýmettik qyzmetter kórsetetin 841 medısınalyq-áleýmettik mekeme (bólimsheler), 308 OTQ jetkizýshi, 26 myńnan asa jeke kómekshi, 669 ymdaý tilin qyzmetin jáne 95 sanatorlyq-kýrorttyq emdeýdi jetkizýshiler tirkelgen.
«Áleýmettik qyzmetter portaly» avtomattandyrylǵan aqparattyq júıesin engizý Múgedektigi bar adamdardyń quqyqtaryn qamtamasyz etý jáne ómir súrý sapasyn jaqsartý jónindegi ulttyq jospar sheńberinde qarastyrylǵan. Qoldaýǵa arnalǵan baılanys ortalyǵyna 1414 biryńǵaı nómirine qońyraý shalyp, tildi tańdaý jáne 5 sanyn basý arqyly jan-jaqty keńes alýǵa bolady.
