Qazaqstandyq kásiporyndarda zamanaýı sıfrlyq tehnologııalardy engizý basymdyqtaryn «Indýstrııa 4.0: avtomattandyrýdan sıfrlandyrýǵa» paneldi sessııasy sheńberinde Digital Almaty V Halyqara sıfrlyq forýmynyń qatysýshylary talqylady.
«Biz Indýstrııa 4.0 baǵytynda qozǵalys baryn kórip otyrmyz. О́nerkásip oryndarynyń qyzyǵýshylyǵy bar, IT-tehnologııalardy, robottandyrýdy engizýde qazirdiń ózinde tájirıbe bar. Úkimet qabyldap jatqan sheshimder ındýstrııa jáne tehnologııany damytý men alǵa jyljytýda nátıjesin beredi dep úmittenemiz», dedi Indýstrııa jáne ınfraqurylymdyq damý vıse-mınıstri Dınara Sheglova.
Ol byltyr mınıstrliktiń qazaqstandyq «QazIndustry» ındýstrııa jáne eksport ortalyǵymen birlesip, arnaıy semınarlar men kásiporyndardy zertteý jumystaryn uıymdastyra bastaǵanyn eske saldy. Sondaı-aq byltyr qoldanystaǵy «О́nerkásip týraly» zańǵa ózgerister engizilip, oǵan qazir «Indýstrııa 4.0» boıynsha negizgi normalar qosyldy.
«Biz sondaı-aq memlekettik qoldaý sharalaryn qaıta qaradyq. Memleket IT engizý shyǵyndaryn óteıtin bolady. О́nerkásip orny óz kásipornynda IT-ınfraqurylymdy damytýǵa qandaı da bir shyǵynǵa ushyraǵan jaǵdaıda, bizdiń ónerkásipti damytý ınstıtýty arqyly shyǵyndarynyń 50%-yn óteı alady. Bul jaıly arnaıy normatıvti-quqyqtyq aktiler qabyldandy», dep atap ótti Sheglova.
Onyń aıtýynsha, qazir mınıstrlik robottandyrýdy damytý máselesin jeke qarastyryp jatyr.
«Biz robottandyrý tujyrymdamasyn, kásiporyndar úshin aldaǵy 2-3 jylǵa arnalǵan qysqa merzimdi jospar jazýdy, memlekettik qoldaý sharalaryn qarastyrýdy josparlap otyrmyz jáne ındýstrııalyq granttar berý máselesi pysyqtalý ústinde», dep naqtylady vıse-mınıstr.
