Qazaq qurylys jáne sáýlet ǵylymı-zertteý jáne jobalaý ınstıtýtyna TMD Atqarý komıtetiniń delegasııasy arnaıy bardy. Onyń quramynda TMD-nyń Bas hatshysy Sergeı Lebedev pen atalǵan uıymnyń Ekonomıkalyq yntymaqtastyq jónindegi departamentiniń dırektory Mıhaıl Myskın boldy, dep habarlaıdy Egemen.kz.
Atalǵan uıym ókilderiniń bul ınstıtýtqa aıaldaýy tegin emes. Sebebi 2019 jyly oǵan TMD-ǵa múshe memleketterdiń seısmıkaǵa tózimdi qurylys salasy jónindegi bazalyq uıymy retinde mártebesi berilgen edi. Onyń negizgi qyzmetine jobalaý uıymdary men ǵylymı-zertteý ınstıtýttary arasynda seısmıkaǵa tózimdi qurylys salasynda tájirıbe almasyp, tıimdi yntymaqtastyqty nyǵaıtýǵa qolǵabys etý, normatıvtik-tehnıkalyq bazany jetildirip, ǵylymı ári tájirıbelik-teorııalyq zertteýlerdi júrgizý, sondaı-aq TMD elderindegi ǵımarattar men qurylystarǵa terbelisti dınamıkalyq (natýralyq) synaqty júrgizý kiredi.
«QazQSǴZI» AQ-nyń bas dırektory Begman Qulbaevtyń aıtýynsha, qazir bazalyq uıymnyń qyzmeti aıasynda TMD-nyń músheligine kiretin barlyq elge arnalyp, seısmıkaǵa tózimdi qurylys salasy boıynsha biryńǵaı normalardy ázirleý qolǵa alyndy. Máselen, tıisti ulttyq normatıvtik aktilerge taldaý júrgizilip, kelesi kezekte maquldanǵan biryńǵaı normalar men olardyń ulttyq qosymsha qujattaryn ázirleý mindeti tur. Osy biryńǵaı normalar TMD keńistiginde seısmıkaǵa tózimdi qurylystyń damýyna serpin berip qana qoımaı atalǵan salany retteıtin ulttyq zańnamalardaǵy olqylyqtyń ornyn toltyrý tıis.
«Buǵan qosa osy amal arqyly biz jas ǵalymdardyń arasynda seısmıkaǵa tózimdi qurylys ǵylymyn nasıhattaý jónindegi máseleni sheship kelemiz. Qazir ýnıversıtettermen belsendi baılanys ornatylyp, daryndy túlekter men aspıranttardyń damýyna jan-jaqty múmkindikter usynylyp otyr. Bilikti ári qajetti daǵdyǵa ıe mamandarmen kásibı qyzmetkerlerdiń pýlyn úzdiksiz jasaqtaý – ǵylymǵa ıkemdelgen jáne joǵary tehnologııaly seısmıkaǵa tózimdi qurylys salasyn odan ári damytýdyń kepili», dedi B.Qulbaev.
Almatyda 105 myń turǵyn kólik salyǵyn tólemegen
Qoǵam • Búgin, 13:10
Álıhan Smaıylov alda atqaratyn jumystar jaıynda aıtty
Úkimet • Búgin, 12:55
Túrkistanda joǵalǵan qyzdyń máıiti tabyldy
Oqıǵa • Búgin, 12:43
«QazFerroStal» JShS basshysy 10 jylǵa sottaldy
Qoǵam • Búgin, 12:32
Qazaqstanda 3D prınterler óndirisi iske qosylady
Ǵylym • Búgin, 12:27
Aqtóbede jańadan salynǵan SMART-CENTRE ǵımaratynda Saǵı Jıenbaevtyń portreti salynady
Mádenıet • Búgin, 12:12
Uqsas jańalyqtar
