«Logıstıkalyq kompanııalarǵa qolaıly jaǵdaı jasaý maqsatynda Qazaqstanda elektrondy kólik qujattaryna kóshý jumystary júrgizilip jatyr. Biz EAEO aıasynda barlyq sheteldik ruqsat blankilerin elektrondy formatqa aýystyrýdy usynamyz. Qaǵaz aınalymyn alyp tastaý sybaılas jemqorlyq táýekelderin azaıtady, saýdanyń ashyqtyǵyn arttyrady jáne eń bastysy, bızneske óz shyǵyndaryn ońtaılandyrýǵa múmkindik beredi», dedi Úkimet basshysy.
Premer-mınıstrdiń aıtýynsha, búginde EAEO elderiniń ózara saýda salasyndaǵy elektrondyq ózara is-qımyly ózekti másele bolyp qala beredi.
«Osy jáne basqa da máseleler sıfrlandyrý salasyndaǵy birlesken jumysymyzdyń mańyzdy baǵyttary bolyp sanalady. Sıfrlyq kún tártibiniń negizgi basymdyqtaryn iske asyrý ashyq jáne teń quqyly yntymaqtastyqqa jáne ekonomıkalyq, tehnologııalyq jáne áleýmettik damýdyń jańa deńgeıine ótýge yqpal etedi», dep tolyqtyrdy Premer-mınıstr.
