Qarjy • 03 Aqpan, 2023

BALQASH ALABUǴASY monetalary aınalymǵa endi

Qazaqstan Ulttyq Banki 2023 jylǵy 3 aqpannan bastap «Qazaqstannyń florasy men faýnasy» serııasynan BALQASH ALABUǴASY kolleksııalyq monetalaryn aınalymǵa shyǵarady, dep habarlaıdy Egemen.kz Ulttyq banktiń baspasóz qyzmetine silteme jasap.

Janbolat Kenjeǵul

Balqash kóli – Qazaqstandaǵy eń alyp kólderdiń biri jáne kólemi jaǵynan álemde 15-orynda tur. Tuzdy jáne tushy bólikten turatyn tabıǵı sý toǵany retinde álemde jalǵyz sanalady.

Balqash alabuǵasy – kólde kezdesetin endemıkalyq balyqtardyń biri. Ol 5-7 mıllıon jyl buryn jaqyn tuqymdasy – kádimgi ózen alabuǵasynan bólektenip shyqqan. Qazaqstannyń Qyzyl kitabyna engizilgen.

BALQASH ALABUǴASY kolleksııalyq monetalary 2 túrde daıyndaldy:

1) 3D jáne asa joǵary bederli tehnologııa qoldanylǵan, kúmis synamasy – 925/1000, massasy – 100 gramm, dıametri – 50 mm, nomınaly – 1000 teńgelik, taralymy – 500 dana;

2) MN 25 melhıor qospasynan daıyndalǵan monetanyń massasy – 15 gramm, dıametri – 33 mm, daıyndaý sapasy – «rroof-like», nomınaly – 200 teńgelik, taralymy – 20 000 dana.

Kolleksııalyq monetalar Qazaqstan Respýblıkasynyń búkil aýmaǵynda óziniń belgilengen qunyna saı tólemniń barlyq túri boıynsha qabyldana beredi. Sondaı-aq eldiń barlyq bankinde bank shottaryna esepke alynýǵa jáne aýdarylýǵa, usaqtalýǵa jáne aıyrbastalýǵa tıis.

Kolleksııalyq monetalar Qazaqstan teńge saraıynda daıyndaldy.