Ýkraına prezıdenti Vıktor Iаnýkovıch burynǵy KSRO-nyń dúnıesi Odaqqa kirgen respýblıkalarǵa bólinýge tıis degen pikirin jarııalady. Onyń bul usynysy jáı saıası upaı jınaýdyń qýlyǵy sııaqty. Reseımen jaqyndasýmen qatar, qajetti jerinde oǵan qarsy da shyǵamyn degendi bildirmek bolsa kerek. Kezinde sol odaqtas respýblıkalardyń basshylary Reseı KSRO-nyń dúnıesin alýmen birge, onyń qaryzdaryn da ótesin degen kelisimge kelgen. Ony qaıta qaraýdyń reti joqtaı. Kelisilgen soń, sózde turý qajet.
BILIKTEN ShYQQAN
Japonııanyń Sosıal-demokratııalyq partııasynyń basshylyǵy ózderiniń bıliktegi premer-mınıstr Iý.Hatoıama basqaratyn koalısııadan shyǵatynyn málimdedi. Bularǵa ne jetpeı qalǵany belgisiz. Sosıalısterdiń ketýinen koalısııa parlamenttegi kópshilik daýystan aıyrylar bolsa, bul eldegi turaqtylyqqa qatty soqqy bolyp tımek. ChINAVAT AIYPTY Taıland soty eldiń burynǵy premer-mınıstri Taksın Chınavatty lańkestik áreketteri úshin aıypty dep taýyp, ony tutqyndaýǵa order berdi. Qazirgi bılik ony eki jarym aıdaı “qyzyljeıdelilerdiń” kóshelerdegi tártipsizdigi men sherýler ótkizip, eldiń berekesin ketirgen áreketterin uıymdastyrýshy dep sanaıdy. Sol áreketterdiń saldarynan otyzdan astam adam qaza taýyp, myńǵa tarta adam jaralanǵan. Sol úshin de jazaǵa tartýǵa bolǵandaı. Oppozısııa 36 ǵımaratty órtepti.
ZEINETKERLIKKE ASYǴÝ
Fransýzdar ereýilge shyǵyp, el ishinde biraz qıyndyq týdy – kóshelerde kólik keptelip, avıareıster oryndalmaı qaldy, tipti mektepterde oqý toqtaǵan. Ereýildiń sebebi – úkimettiń zeınetkerlikke shyǵý jasyn kótermek oıyna qarsylyq. Bul elde zeınetkerlikke shyǵý jasy – 60. Bul tek Eýropada ǵana emes, álemniń kóptegen jetekshi elderindegiden áldeqaıda tómen. Aıtalyq zeınetkerlikke shyǵý jasy AQSh-ta – 65-67, Japonııa, Germanııa, Ispanııa, Fınlıandııada – 65, al Izraılde 67 jas. Fransýzdar zeınetkerlikke 62 jasta shyǵýǵa qarsy.
LIBERMAN JEMQOR MA?
Bı-bı-sı aqparat agenttiginiń habarlaýyna qaraǵanda, Izraıl polısııasy eldiń syrtqy ister mınıstri Avıgdor Lıbermannyń sybaılas jemqorlyqqa qatysy bar-aý degen kúdik bildiripti. Onyń bir dáleli – syrtqy ister mınıstri aqshany jasyryp ótkizgenderdi tergeýge yqpal etpek bolypty. Polısııa bul jaıdan-jaı emes dep qorytyndy jasaǵan.
ÚNDISTANDAǴY APAT
Juma kúni bul elde temir jol apaty bolyp, odan 65 adam qaza taýyp, 200-deı adam jaralanypty. Batys Bengalııada bul apatty eldegi maoıstik top júzege asyrypty. Kalkýttadan Mýmbaıǵa bara jatqan poıyz relsten shyǵyp ketip, sodan soń qarsy kele jatqan júk poıyzymen soǵysqan. Maoıstik ekstremıster buǵan deıin de osyndaı terakt uıymdastyrǵan eken.
ChAVES TE QORQADY
Venesýela prezıdenti Ýgo Chaves astananyń syrtynda bolatyn sharalarǵa aldyn ala habarlamaı baratyn kórinedi. О́z ómiriniń qaýipsizdigi úshin osylaı etýdi oǵan Kýba kósemi Fıdel Kastro aıtty, deıdi ol. Chaves únemi tikushaqty paıdalanady eken. Taǵy da bul kólikti Fıdel Kastro unatpapty. Tikushaqty zymyranmen atyp túsiretin jyndylar kóp, depti Chaves. О́z halqynan qoryqqan prezıdenttiń de kúni kún emes-aý.
KEREKSIZ NÁRSE KО́P
Nemistiń ekonomıst-ǵalymy Iýstýs Haýkal “Germanııadaǵy sheneýnikter tasqyny” degen kitap shyǵaryp, eldegi 50 memlekettik qyzmettiń eshqandaı paıdaly is atqarmaıtynyn, tek bıýdjettik qarjyny bosqa jeıtinin jan-jaqty dáleldepti. Haýkaldyń pikirinshe, sol mekemelerdi joıý memlekettik organdardyń jumysyn shırata túsýmen qatar, qyrýar qarjyny óteıtin kórinedi. Sirá, ondaı kereksiz mekemeler barlyq jerde de bar shyǵar. Nemis ǵalymy talaılarǵa oı salyp otyrǵandaı.
AQ JAŃǴAQ – KО́K JAŃǴAQ
Qazir bazarlarda, sondaı-aq dastarqandarda bir murty ashylǵan usaq aq jańǵaqty jıi kezdestiremiz. Ol negizinen Qytaıdan ákelinedi. Bul shekildeýikterdiń tabıǵı túsi aq emes, sur kórinedi. Saýdada ótimdi bolsyn dep qytaılar ony aqqa boıaıdy eken. Tabıǵı túsi qandaı ekendiginen beıhabar tutynýshy aǵyn alady. Bulaı boıaý qytaılardyń óz zańdaryna da qaıshy kórinedi. Al aqqa boıaǵannan onyń adam aǵzasyna zııany anyqtalmaǵanmen, ol ónimdegi V1 vıtamınin joıady eken.
Ázirlegen Mamadııar JAQYP.
