Elimizdiń soltústik bóliginde qar jaýady. Ońtústikte qar aralas jańbyr jaýady dep boljandy. Kúndiz Túrkistan oblysynyń taýly aımaqtarynda jaýyn-shashyn kútiledi, jel kúsheıip, tuman túsedi. Ońtústik-batysta - kóktaıǵaq, kúndiz ońtústikte, batysta, Túrkistan oblysynyń taýly aımaqtarynda naızaǵaı oınaıdy.
Sınoptıkterdiń boljamyna qaraǵanda, Astanada kóshpeli bult shyǵyp, ótkinshi qar jaýady. Soltústik-shyǵystan 5-10 m/s jel soǵady. Aýa temperatýrasy túnde -21...-23°S, kúndiz -15...-17°S bolady.
Almatyda kóshpeli bult shyǵady, biraq jaýyn-shashynsyz aýa raıy saqtalady. Keıde tuman túsedi. 0-5 m/s ekpinimen jel soǵýy yqtımal. Aýa temperatýrasy túnde -3...-5°S, kúndiz +3...+5°S bolady dep kútiledi.
Shymkentte kóshpeli bult shyǵady, kúndiz jańbyr jaýady. Ońtústik-batystan soǵatyn jel ońtústik-batysqa aýysyp, tańerteń jáne kúndiz ekpini 15-20 m/s deıin jetedi. Aýa temperatýrasy túnde +2...+4°S, kúndiz +12...+14°S.
Mamandardyń aldyn ala boljamy boıynsha, Almatyǵa kóktem erte túsýi múmkin.
