Qazaqstan Respýblıkasy Syrtqy ister mınıstriniń orynbasary Qanat Týmysh elimizde arab memleketteriniń elshilerimen jáne ýaqytsha senimdi ókilderimen kezdesti, dep habarlaıdy Egemen.kz vedomstvonyń baspasóz qyzmetine silteme jasap.
Kezdesý barysynda taraptar ekijaqty saıası, saýda-ekonomıkalyq jáne mádenı-gýmanıtarlyq yntymaqtastyqtyń qazirgi jaı-kúıi men kópjaqty formattaǵy ózara árekettesýdiń máselelerin talqylady. Ekijaqty qarym-qatynastardy keń kólemde ári qaraı nyǵaıtý boıynsha oı-pikirlermen almasty.
Kezdesýge qatysqandar qazirgi ýaqytta Qazaqstan men arab elderi arasynda barlyq deńgeılerde ashyq ári senimdi dıalogtyń ornatylǵanyn atap ótti. Bul túrli salalardaǵy yntymaqtyń ári qaraı keńeıýin qamtamasyz etedi.
Taraptar aldaǵy jyldarda Qazaqstannyń Arab álemimen seriktestigi jańa sapaly deńgeıge kóteriletinine senim bildirdi.
Q. Týmysh ártúrli saladaǵy ekijaqty yntymaqty damytýǵa árdaıym kórsetiletin qoldaýlary men únemi daıyndyqtary úshin arab elshilerine rızashylyǵyn bildirdi. Elderimiz arasyndaǵy qarym-qatynastardy nyǵaıtý maqsatynda arab elshilikteriniń jumystaryna jan-jaqty járdem kórsetýge óziniń daıyndyǵyn qýattady.
Sonymen qatar dıplomattar Taıaý Shyǵystaǵy qazirgi ahýaldy talqylap, osy mańyzdy aımaqtyń saıası turaqtylyǵyn ári qaraı saqtaý qajettigin atap ótti.
Jibek Qulambaeva Túrkııadaǵy jarysta jeńimpaz atandy
Tennıs • Keshe
UQShU elderi keshendi oqý-jattyǵý ótkizedi
Oqıǵa • Keshe
Rım Papasy aýrýhanadan shyǵaryldy
Álem • Keshe
Uqsas jańalyqtar
