«QR Túrkııadaǵy Elshiliginiń aqparaty boıynsha 8 000-nan astam QR azamaty Túrkııanyń joǵary oqý oryndarynda oqıdy, onyń ishinde 11-i «Bolashaq» baǵdarlamasynyń stıpendıattary. Sondaı-aq Túrkııada akademııalyq utqyrlyq sheńberinde oqıtyn qazaqstandyq joǵary oqý oryndarynyń 190 stýdenti bar», dep jazylǵan habarlamada.
QR Ǵylym jáne joǵary bilim mınıstrligi apatty jaǵdaıda Qazaqstan Respýblıkasynyń azamattary men qandastardy sheteldik joǵary oqý oryndarynan aýystyrýǵa bolatynyn habarlaıdy. Qazirgi ýaqytta qazaqstandyq joǵary oqý oryndary el azamattaryn jáne qandastardy qabyldaýǵa daıyn.
