Oqys oqıǵaǵa tap bolǵan pasıent aýrýhanaǵa shuǵyl túrde 7 qańtarda túsken. Jas jigittiń oń qoly is júzinde joǵarǵy ıyq deńgeıinde bólinip qalǵan.
Sodan dárigerler dereý iske kirisip, operasııany eki brıgada 2 kezeńde júrgizdi. Birinshi kezeńde angıohırýrgter qan aǵymyn qalpyna keltirý úshin tamyrlardy tikken. Ekinshi kezeńde travmatologter bulshyqetterdi, nervterdi, sińirler men súıekterdi tigip jalǵaǵan.
«Operasııa shamamen bes saǵatqa sozyldy. Biz árqashan barlyq aǵzany múmkindiginshe saqtap qalýǵa tyrysamyz. Operasııa kezinde tamyr-nerv baılamyna tolyq revızııa jasaý kerek boldy. Qoly tolyq julynyp ketkendikten bulshyqetteri túgel tigildi. Bastapqyda qoldy saqtap qalý jáne onyń fýnksııasyn qalpyna keltirý múmkindigi az boldy. Biz onyń sátti aıaqtalǵanyna óte qýanyshtymyz», dedi dáriger-angıohırýrg Dastan Sabyruly.
Qazir pasıent ońaltý kýrsynan ótip jatyr. Dárigerler oń qoldyń jumysyn qalpyna keltirýdi belsendi qadaǵalap otyr. Konsýltasııalar jáne ártúrli ádisterdi qoldaný boıynsha usynymdar beredi.
«Biz operasııany ońaltý áldeqaıda jyldam bolatyndaı etip jasaı aldyq. Qoly táýir bolyp ketti, qazirgi ýaqytta jigitti eshteńe mazalamaıdy», dedi travmatolog dáriger Álimjan Dúısenbaev.
