Alty jeńil kólikke ıe boldy

Qarjy polısııasy organda­ry­nyń qurylǵan kúnine oraı Taldy­qorǵandaǵy Máńgilik alaýdyń aldynda Almaty oblysy boıynsha eko­nomıkalyq qylmysqa jáne sybaılas jemqorlyqqa qarsy kúres (Qarjy polısııasy) departamenti qyzmet­kerleriniń ant qabyldaý rásimi ótti. Mádenıet saraıynda jalǵas­qan merekelik sharany departament bas­tyǵy, qarjy polısııasynyń polkov­nıgi Talǵat Sadýaqasov ashyp, árip­testerin tól merekesimen quttyqtady. О́ńirdegi eleýli sharaǵa arnaıy kelip qatysqan Almaty oblysynyń ákimi Ańsar Musahanov: «Elimiz táýelsizdik alyp, derbes memleket atanǵan shaqta Elbasy Nursultan Nazarbaev aldymyzǵa qoǵamnyń qaı salasynda bolsyn túbegeıli ózgerister engizý men jańa júıe qurý mindetin qoıǵany málim. Onyń nátıjesi ótpeli kezeńde kórindi. Naqtylaı tússek, el ekonomıkasynyń turalaǵan shaǵynda ózge salalar sekildi qarjy polısııasy organdary da halyq turmysynyń túzelýine, memleket qazynasynyń turǵyn­dar múddesine jumsalýyna qyra­ǵylyqpen atsalysty. Sóıtip, el eńsesi tiktelip, áleýmettiń ahýaly jaqsardy» dedi oblys ákimi. Merekelik sharada Qazaq­­stan Respýblıkasynyń Ekono­mıkalyq qylmysqa jáne sy­baı­las jemqor­lyqqa qarsy kúres agenttiginiń tóraǵa­sy Rashıd Túsipbekovtiń arnaýly buıryǵymen atalǵan departa­menttiń qyzmetkerleri qyz­me­ttegi tabystary úshin «Qazaq­stan Respýblıkasy qarjy polısııasyna 20 jyl» tós­belgisimen, alǵys hatymen, gramotamen barlyǵy 53 qyzmetker marapattalsa, Almaty oblysynyń ákimi Ańsar Musahanov 6 jeńil avtokóliktiń kiltin tapsyrdy. Nurbol ÁLDIBAEV, «Egemen Qazaqstan». Almaty oblysy.