26 eldiń 281 komandasy 10 kún boıy matematıka, fızıka jáne ınformatıka páni boıynsha synǵa tústi. Qazaqstannan sapynan 250 oqýshysy bar 35 komanda baq synady. Dástúrli halyqaralyq Jáýtikov olımpıadasyna Qazaqstan, Ázerbaıjan, О́zbekstan, Reseı, Grýzııa, Rýmynııa, Serbııa, Ýkraına, Úndistan, Túrkııa, Ulybrıtanııa jáne basqa da elderdiń fızıka-matematıka baǵytyndaǵy mamandandyrylǵan mektepterinen jalpy 1200-den asa oqýshy qatysty.
«Halyqaralyq Jáýtikov olımpıadasy oqýshylar arasynda tanymal bola tústi. Olımpıada kezinde qatysýshylar kúrdeli matematıkalyq esepterdi sheshedi. Mundaı zııatkerlik konkýrstar olardyń bilimin tereńdetip qana qoımaı, balalardy komandada jumys isteýge, dostyq qarym-qatynas ornatýǵa úıretedi», dep atap ótti RFMM basqarma tóraǵasy Rýslan Qalıev.
Olımpıada qorytyndysy boıynsha qazaqstandyq oqýshylar 66 medal jeńip aldy. Onyń 6-ýy - altyn, 20-sy - kúmis jáne 40 - qola. Jeńimpazdarǵa syılyqtar men bilim berý granttary qarastyrylǵan.
Aıta keteıik, Halyqaralyq Jáýtikov olımpıadasy QR Oqý-aǵartý mınıstrliginiń qoldaýymen Respýblıkalyq fızıka-matematıka mektebiniń bazasynda ótti.
