«Maqsat - tarıh pánine degen qyzyǵýshylyqty zaman ózgeristerine saı nasıhattaý. Tómengi synyp oqýshylary sýret arqyly aqparatty tez qabyldaıdy jáne anıme, manga janryna qumar. Muny kitaphanaǵa komıks surap keletin balalardyń kóptiginen baıqap, 11-synyptyń oqýshylaryna qazaqsha komıks jasap kórýdi usyndym. Olar birden kelisti. Aldymen taqyryp tańdap, zerttep iske kirisip ketti de kóp uzamaı mektep basshylyǵynyń qoldaýymen «Qazaq handyǵynyń qurylýy» atty komıks daıyn boldy», deıdi tarıh pániniń muǵalimi Ásem Tarybaeva.
Alǵashqy 10 dana jýrnal men komıkstiń elektrondy nusqasy mektep ishinde úlken suranysqa ıe. Bul N.Nurmaqov atyndaǵy mamandandyrylǵan mektep-lıseı-ınternatynda komıks úıirmesiniń ashylýyna túrtki boldy. Qazir munda 15 bala jańa janrdy ıegerip jatyr. Ashylǵanyna 1 aı bolǵan úıirme qatysýshylary «Tarıhı hıhıkaıalar» serııasynyń ekinshi shyǵarylymyn ult ustazy - Ahmet Baıtursynulynyń 150 jyldyq mereıtoıyna arnap otyr.
