Belgili bolǵandaı, barlyǵy shuǵyl túrde mektep ǵımaratynan kóshege shyǵarylǵan. Evakýasııa kezinde túsirilgen vıdeo áleýmettik jelilerdegi paraqshalarǵa tarap ketken.
Quqyq qorǵaý organdarynyń málimetinshe, 13 aqpanda tańerteń № 34 orta mekteptiń dırektory polısııaǵa habarlasyp, mekteptiń elektrondy poshtasyna mektepte «snarıad» bary týraly habarlama kelgenin aıtqan.
«Oqıǵa ornyna barlyq qyzmetter jiberildi. Ǵımarat tekserildi. 1115 adam, onyń ishinde 950 oqýshy evakýasııalandy. Sondaı-aq № 35 orta mektepten 1000-ǵa jýyq adam qaýipsiz jerge kóshirildi. Jarylǵysh zattar boıynsha mamandar ǵımarattardan kúdikti jáne jarylǵysh qurylǵylar tappady. Atalǵan derek boıynsha tergeý amaldary júrgizilip jatyr», delingen QR IIM Telegram-kanalynda.
