Premer-mınıstrdiń orynbasarynyń aıtýynsha, byltyrdan beri ıdeologııalyq turǵydan eskirgen ataýlardy qaıta ataý jónindegi 2022-2025 jyldarǵa arnalǵan jol kartasy iske asyrylyp jatyr. Jol kartasynyń aıasynda 2021 jyly 68 eldi meken men olardyń 572 quramdas bóliginiń ataýlary ózgertilgen.
«Jol kartasy aıasynda barlyǵy 3 myńǵa jýyq eskirgen ataýlardy aýystyrý josparlanyp jatyr. Ataý berý kezinde jergilikti turǵyndardyń pikiri eskerilip, usynylǵan ataý tarıhy zerdelenedi», delingen qujatta.
2021 jyldyń qyrkúıek aıynda Respýblıkalyq onomastıkalyq komıssııa memleket pen qoǵamnyń damýyna zor úles qosqan qaıratkerlerdiń arasynan tarıhı tulǵalardyń tizimin jasaqtaǵan. Ataýlardy ózgertý kezinde onomastıkalyq komıssııalar osy tizimge engizilgen ataýlardy paıdalanady.
