«Tergeý jumystary barysynda shabýyl jasaǵan oqýshynyń dorbasynda qoldan jasalǵan maska tabyldy. Ol 9-synyp oqýshysy ekeni anyqtaldy. Ol dárethanada maskany kıip alyp, sodan keıin baltamen dálizge júgirdi. Bir oqýshyny eki ret ıyǵynan urǵan, sosyn bir qyzdy, taǵy bir oqýshyny jaraqattaǵan», dedi Marat Qojaev Úkimet otyrysynda.
Onyń aıtýynsha, shabýyl jasaǵan adamdy joǵary synyp oqýshylary men muǵalimder ustaǵan. Eki bala aýrýhanada jatyr, jaǵdaılary turaqty. Bireýi tekserýden keıin úıine jiberildi. Polısııa oqıǵaǵa qatysty qylmystyq is qozǵady.
Qazirgi ýaqytta №4 orta mektepte 2 aýysym, barlyǵy 39 synyp, 984 oqýshy bar. Mektepte jalpy 70 muǵalim jumys isteıdi, onyń biri - psıholog. Mektep ǵımaratynda jáne oǵan irgeles aýmaqta 42 beınebaqylaý kamerasy men 5 dúrbeleń túımesi ornatylǵan.
«Tergeý barysy baqylaýǵa alyndy, onyń qorytyndysy boıynsha qylmys jasaýǵa yqpal etken mán-jaılardy jáne basqa da anyqtalǵan zań buzýshylyqtardy joıý jóninde usynys jasalady», dep qorytyndylady Marat Qojaev.
Aıta keteıik, 13 aqpan kúni saǵat 08:00 shamasynda Petropavldaǵy №4 mektepte 9-synyp oqýshysy baltamen oqýshylarǵa shabýyl jasaǵan.
