Elorda • 14 Aqpan, 2023

Astananyń úlken aınalma jolynda kúrdeli jóndeý jumystary bastaldy

351 ret

kórsetildi

1 mın

oqý úshin

Respýblıkalyq mańyzy bar R-10 Astana qalasynyń úlken aınalma jolynyń tórtinshi shaqyrymynda temirjoldyń ústinen ótetin apatty jaǵdaıdaǵy kópir ótkelinde kúrdeli jóndeý jumystary bastaldy, dep habarlaıdy Egemen.kz «QazAvtoJol» baspasóz qyzmetine silteme jasap.

Botakóz BAQBERGEN

Astananyń úlken aınalma jolynda kúrdeli jóndeý jumystary bastaldy

«Kúrdeli jóndeý jumystary barysynda jalpy uzyndyǵy 140 metrdi quraıtyn ótkeldiń aralyq qurylymdary men barlyq tirek bólikteri bólshekteledi, sodan keıin mamandar burǵylaý qadalaryn quıý, tirek bólikteri men arqalyqtardy montajdaý boıynsha jumystarǵa kirisedi. Kópir ótkeliniń qurylys jobasy aıasynda sońǵy birneshe jylda tirkelgen joǵary qozǵalys qarqyndylyǵy eskerildi. Bul kórsetkish táýligine 15 myńnan astam kólikti qurap otyr», delingen habarlamada.

Kúrdeli jóndeý jumystary eki aýysymda júrgizilip jatyr, olarǵa 30 arnaıy tehnıka men 70-ke jýyq maman jumyldyryldy.

Kópir ótkelindegi kúrdeli jóndeý jumystary R-10 trassasynyń ótkizý qabiletin arttyryp qana qoımaı, bolashaqta kólikter men poıyzdardyń qozǵalys qaýipsizdigin qamtamasyz etýge de septigin tıgizedi.