Osy jyldyń 18 qańtarynda Taldyqorǵan qalasy Krasın kóshesindegi bes qabatty úıde elektr symdarynyń tuıyqtalýynan órt shyqty. Sol kúni jóndeý rotasy bólimshesiniń komandıri Erik Qasymbekovke narıadta qyzmet atqarǵany úshin demalys berilgen bolatyn.
Kireberistegi aıqaıdy estigen ol tez arada páterinen júgirip shyǵady. Áskerı qyzmetshi kórshilerinen qart kisi turatyn páterdiń janyp jatqanyn estip biledi. Erik Qasymbekov esh oılanbastan páterge kirip, qart kisini qaýipsiz jerge alyp shyǵady.
Áskerı qyzmetshiniń bul batyl áreketi nazardan tys qalmady. Jetisý oblysy Tótenshe jaǵdaılar departamenti bastyǵynyń orynbasary azamattyq qorǵanys podpolkovnıgi Igor Jýkov Erik Qasymbekovke saltanatty jaǵdaıda marapat tabystady.
– Qarýly kúshter áskerı qyzmetshisiniń batyl qımyly adam ómirin saqtap qaldy. Ol otqa oranǵan páterden 84 jastaǵy áıeldi qutqaryp alyp shyqty. Onyń janqııarlyq áreketi eskerilmeı qalǵan joq. Tótenshe jaǵdaılar mınıstriniń buıryǵymen Erik Qasymbekov vedomstvolyq medalmen marapattaldy, – dedi oblystyq departament ókili.
Mundaı qıyn jaǵdaıda áskerı desantshy Erik Qasymbekovke basqasha áreket etý múmkin emes edi. Adamdarǵa qol úshyn sozyp, qutqarý – naǵyz er jigittiń isi.
