Atap aıtqanda, N.Nurmaqov atyndaǵy mamandandyrylǵan mektep-lıseı ınternatynyń oqýshysy Ramazan Perdebaı kúmis júlde ıelense, osy mekteptiń oqýshysy Álisher Qaztaev pen №1 Bilim jáne ınnovasııa lıseıiniń oqýshysy Abzal Bekejan qola júldeni jeńip aldy.
– Olımpıadaǵa eki oqýshymyzdy jiberdik. Ekeýi de matematıka, ınformatıka jáne fızıka pánderinen úzdikter sapynan kórindi. Bul – joǵary kórsetkish. Jazda respýblıkalyq olımpıada ótedi. Eger Álisher jaqsy nátıje kórsetse, respýblıkalyq quramaǵa kiredi, – deıdi N.Nurmaqov atyndaǵy mamandandyrylǵan mektep-lıseı ınternatynyń ınformatıka páni muǵalimi Aıdar Seıilhanov.
Abzal Bekejan bul olımpıadaǵa alǵash ret qatysqanyn aıtty. «Biraq buǵan deıin ınformatıka boıynsha basqa da halyqaralyq jarystarda baq synadym. Eýropalyq jasóspirimder olımpıadasynyń kúmis medali, elimizdegi bilim olımpıadasynyń kúmis medali jáne basqa da marapattarym bar», deıdi ol.
Olımpıada júldegerlerine elimizdiń irgeli joǵary oqý oryndarynyń ataýly syılyqtary men bilim granttary berildi.
QARAǴANDY
