BUU Qaýipsizdik Keńesiniń shuǵyl otyrysynda AQSh-tyń turaqty ókili Lında Tomas-Grınfıld Phenıanǵa qarsy sanksııa rejımin kúsheıtýge shaqyrdy.
«Biz BUU-ǵa múshe barlyq memleketterdi, ásirese Qaýipsizdik Keńesiniń múshelerin osy teris isterdi doǵarýǵa jáne KHDR-di zańsyz qarý-jaraq baǵdarlamalarynan tolyq, tekseriletin jáne qaıtymsyz túrde bas tartýǵa dıplomatııany ıadrolyq qarýdan aryltý baǵytynda paıdalanýǵa shaqyramyz», dep málimdedi ol.
Osyndaı málimdemelerge qaramastan otyrys nátıjesiz aıaqtaldy.
Jýyrda Soltústik Koreıa basshysynyń qaryndasy Kım Io Chjon málimdeme jasap, KHDR AQSh qımylyna qarsy jaýap retinde Tynyq muhıtyn polıgon retinde qoldanatynyn aıtqan. Ol Koreıa túbegi aımaǵyndaǵy AQSh strategııalyq qarý-jaraǵyn el áskeri muqııat ańdyp otyrǵanyn habarlap, el qaýipsizdigine tikeleı nemese janama qaýip tónse, dereý jaýap beremiz dep eskertý jasaǵan edi.
