foto: lada.kz
Qaıǵyly oqıǵa 25 aqpan kúni saǵat 11:42 shamasynda «Saı-О́tes-Beıneý» tas jolynyń 383-shaqyrymynda bolǵan. Aldyn ala málimet boıynsha, Toyota Camry júrgizýshisi qarsy jolaqqa shyǵyp ketip, soqtyǵysqan. Jol apaty saldarynan kólik otqa orandy.
Oblystyq densaýlyq saqtaý basqarmasynyń málimetinshe, tórt adam oqıǵa ornynda kóz jumdy. Taǵy bir adam Beıneý aýdandyq aýrýhanasyna jatqyzyldy.
«Naýqas bas mıynyń jabyq jaraqatyn alǵan, bas mıynyń kontýzııasy, san súıeginiń dıafıziniń jabyq synýy, sol qoldyń eki súıeginiń ashyq synýy, ókpesiniń kontýzııasy bar. Naýqastyń jaǵdaıy aýyr», dedi densaýlyq saqtaý basqarmasynan.
Eske sala keteıik, buǵan deıin Almaty oblysynda Almaty-Qorǵas tas jolynda júk tıegen kólik tasymaldaýshylar jappaı apatqa ushyraǵan edi. Apat saldarynan eshkim zardap shekken joq.
