Yntymaqtastyq áleýeti arta túspek

Keshe Premer-Mınıstrdiń birinshi orynbasary Baqytjan Saǵyntaev Sochıde  Eýrazııalyq ekonomıkalyq komıssııa keńesiniń kezekti otyrysyna qatysty, dep habarlady Premer-Mınıstrdiń baspasóz qyzmeti. Kún tártibinde eýrazııalyq ıntegrasııany odan ári damytýdyń neǵurlym kókeıkesti máseleleri qaraldy. Atap aıtqanda, Armenııa  Respýblıkasynyń Eýrazııalyq ekonomıkalyq odaq týraly shartqa qosylýy jónindegi sharttyń jobasy, Qyrǵyz Respýblıkasynyń eýrazııalyq ıntegrasııalyq jobaǵa qosylýy boıynsha odan arǵy jumystarynyń barysy, sondaı-aq, ústimizdegi jylǵy mamyrda qol qoıylǵan Eýrazııalyq ekonomıkalyq odaq  (EAEO)  týraly shartty júzege asyrý jónindegi odan arǵy jumystar talqylandy. Qabyldanǵan sheshimder ıntegrasııalyq birlestikterdiń ashyqtyǵyn kezekti ret rastap berdi. Onyń syrtynda, Keńes otyrysynda  EAEO týraly sharttyń erejelerin júzege asyrýǵa baǵyttalǵan aktilerdi ázirleý boıynsha birlesken qyzmettiń sheshýshi aspektileri, Keden odaǵy sheńberinde  MDP konvensııasyn qoldaný, sondaı-aq, Astana qalasyndaǵy  EKSPO-2017 jobasyn júzege asyrý máseleleri talqylandy. Bútindeı alǵanda, Keńes músheleriniń pikirlerinshe, qabyldanǵan sheshimder elderdiń ıntegrasııalyq birlestiktegi ózara is-qımyldarynyń áleýetin odan ári tıimdi júzege asyrýǵa baǵyttalǵan.