Semınar-keńesterge jergilikti atqarýshy organdardyń, oblystyq prokýratýralarynyń ókilderi, aýmaqtyq saılaý komıssııalarynyń músheleri, kandıdattardyń saılaýaldy shtabtarynyń ókilderi, EQYU DIAQB saılaýdy uzaq merzimdi baıqaýshylary qatysty.
OSK tóraǵasynyń orynbasary Konstantın Petrov ýákiletti memlekettik organdarmen jáne oblystyq aýmaqtyq saılaý komıssııalarymen ótken keńesterde óńirde júrgizilip jatqan saılaýshylar tizimderi, uıymdastyrý máseleleri, saılaý ýchaskelerin materıaldyq-tehnıkalyq qamtamasyz etý, múgedektigi bar azamattar úshin qajetti jaǵdaılar jasaý, sondaı-aq saılaý bıýlletenderin ýchaskelerge ýaqtyly jetkizý jáne basqa da máseleler boıynsha baıandamalardy tyńdady. Atap aıtqanda, Shyǵys Qazaqstan oblysy ákimi apparaty basshysynyń orynbasary Kınıgýl Bıchýınov 26 aqpandaǵy jaǵdaı boıynsha saılaýshylar tizimine óńirdiń 499 085 turǵyny engizilgenin habarlady. Oblys halqyn sapaly aqparattandyrý maqsatynda buqaralyq aqparat quraldary men áleýmettik jeliler arqyly aqparattyq jumys júrgizilýde. Syrtqy jarnamany ornalastyrý úshin 167 oryn anyqtalyp, LED-ekrandarda saıası partııalardyń aqparattyq beınerolıkteri men úgit-nasıhat rolıkteri kórsetiledi.
– Halyqty saılaý ýchaskeleri týraly aqparattandyrý úshin oblystyń qalalary men aýdandarynda ákimdikter janynda 12 Call-ortalyq jumys isteıdi. Sondaı-aq ýchaskelerde tirkeýdiń durystyǵyn «elektrondyq qyzmetter ortalyǵy»portalynyń «О́z saılaý ýchaskeńdi tap» servısi jáne «DigitalEast» mobıldi qosymshasy arqyly tekserýge bolady.
Barlyq 533 saılaý ýchaskeleriniń shekaralary naqtylandy. Barlyq saılaý okrýgteri men ýchaskeleri jumysqa daıyn. Olardyń jumys isteýi qoldanystaǵy zańnamany, sanıtarlyq normalardy jáne qoǵamdyq qaýipsizdikti eskere otyryp uıymdastyrylatyn bolady. Stendtermen, qalqandarmen jáne týmbalarmen jabdyqtalǵan úgit materıaldaryn ornalastyrý úshin 470 oryn belgilengen. Onyń ishinde oblys ortalyǵynda – 33, qalalar men aýdandarda 437 oryn naqtylandy. Al kandıdattardyń saılaýshylarmen kezdesýi úshin 200 oryn belgilendi, – dep málimdedi Kınıgýl Bıchýınov.
Múgedektigi bar adamdar úshin saılaý ýchaskeleriniń fızıkalyq qoljetimdiligin qamtamasyz etý maqsatynda 1 784 saılaýshy úshin 264 ýchaskede daýys berýdi uıymdastyrý máseleleri sheshildi. Olardyń qatarynda 1 784 saılaýshynyń 650-i múgedekter arbasyn paıdalansa, 700 adamnyń kórý qabileti joq jáne 434 adamnyń estý men sóıleý qabileti nashar ekeni anyqtaldy. Búgingi tańda 495 ýchaske birinshi qabattarda ornalasqan, 472 – pandýstarmen, 482 taktıldi kórsetkishtermen jabdyqtalǵan. Al daýys berý kúni erekshe qajettilikteri bar azamattar turatyn 13 eldi mekende Invataksı qyzmeti uıymdastyrylyp, 113 ýchaskede sýrdoaýdarmashylar jumys isteıdi.
Sondaı-aq semınar-keńeste Shyǵys Qazaqstan oblysy prokýratýrasynyń qoǵamdyq múddelerdi qorǵaý basqarmasynyń bastyǵy Jandos Qońyrov sóz sóılep, saılaý naýqanyn ótkizý kezeńinde saılaý úderisine qatysýshylardyń zańnamany saqtaýyn qadaǵalaýdy júzege asyrý týraly habardar etti.
Abaı oblysy ákimi apparatynyń basshysy Jasulan Sársenbaev oblys boıynsha barlyǵy 416 030 azamat saılaýshylar tizimine engizilgenin habarlady. Oblysta sondaı-aq, oblys ákimdiginiń, qalalar men aýdandar ákimdikteriniń ınternet-resýrstarynda «О́z saılaý ýchaskeńdi anyqta» izdeý servısteri jumys isteıdi.
– Servıster JSN men meken-jaıdy kórsete otyryp, saılaý ýchaskesi týraly aqparat alýǵa múmkindik beredi. Sondaı-aq qalalar men aýdandarda Call-ortalyqtar jumys istep tur. Oblys aýmaǵynda anyqtamalyq aqparatty alýdy jeńildetý úshin 24/7 rejiminde 109 tegin nómiri boıynsha biryńǵaı baılanys ortalyǵy jumys isteıdi. Búgingi tańda 11 aýmaqtyq, 141 okrýgtik jáne 478 ýchaskelik saılaý komıssııalary quryldy. Barlyq 478 saılaý ýchaskesi jumysqa daıyndaldy, materıaldyq-tehnıkalyq qamtamasyz etildi, – dedi Jasulan Sársenbaev.
J.Sársenbaevtyń habarlaýynsha, oblysta múgedektigi bar adamdardyń sany 2 687 adamdy quraıdy. Barlyq saılaý ýchaskeleri múgedektigi bar adamdar úshin qajetti jaǵdaılarmen, sonyń ishinde pandýstarmen jáne taktıldi kórsetkishtermen jabdyqtalǵan. Sondaı-aq azamattardy tirkeý orny boıynsha saılaý ýchaskelerinde daýys berý kúni qosymsha 15 jyljymaly pandýs ornatylady. 395 saılaý ýchaskesinde múgedektigi bar adamdar úshin burysh uıymdastyrý josparlanyp otyr.
Keńes barysynda Ortalyq saılaý komıssııasynyń músheleri Konstantın Petrov pen Sábıla Mustafına aýmaqtyq saılaý komıssııalarynyń múshelerine saılaý zańnamasynyń barlyq jańalyqtaryn, aǵymdaǵy saılaý naýqanynyń erekshelikterin túsindirdi, sondaı-aq saılaý komıssııalary Parlament Májilisi jáne máslıhattar depýtattarynyń kezekten tys saılaýyn ázirleý men ótkizý jónindegi barlyq negizgi is-sharalardy baqylaýda ustap, osy el úshin mańyzdy jáne jaýapty saılaýdy zańǵa qatań sáıkes ótkizýge daıyn bolýǵa tıis ekenin atap ótti.
Sonymen qatar semınar-keńes aıasynda aýmaqtyq saılaý komıssııalary úshin iskerlik oıyn túrinde oqytý trenıngi uıymdastyryldy. Trenıng barysynda saılaý komıssııalarynyń músheleri onyń barlyq komponentterin qamtı otyryp, ýchaskelerde daýys berý úderisin kórsetti. Olar saılaý kúni ýchaskelerdi ashýdan, daýys berýshilerdi tirkeýden, bıýlletender berýden jáne barlyq jumys aıaqtalǵanǵa deıin ýchaskelik saılaý komıssııalarynyń qalaı jumys isteıtinin kórsetti.
