Euromonitor International naryqtardy zertteý jónindegi halyqaralyq kompanııanyń aldyn ala derekteri boıynsha Qazaqstandaǵy elektrondy saýda kólemi ótken jyldyń qorytyndysy boıynsha 20,2% - ǵa, 1,3 trln teńgege deıin (ınternet arqyly kórsetiletin qyzmetter saýdasyn esepke almaǵanda) ósti. Bul ótken jylmen salystyrǵanda 220,1 mlrd teńgege artyq.
Iri taýar toptaryn qarastyrǵan kezde sanattardyń eshqaısysy mınýs dınamıkasyn kórsetpegeni baıqalady. Elimizde onlaın saýda jyl ótken saıyn qarqyn alyp keledi. О́tken jyly onlaın satylymdardyń jalpy somasyndaǵy (32,4%) eleýli úlesti sán segmenti ıelendi. 2022 jyly qazaqstandyqtar kıim, aıaq kıim jáne túrli aksessýarlardy onlaın satyp alýǵa 423,9 mlrd teńge jumsaǵan (plıýs 17%). Satyp alý kólemi boıynsha ekinshi orynda — turmystyq tehnıka jáne elektronıka, osy sanattyń úles salmaǵy 27,1% qurady. Joǵary tehnologııalyq taýarlar 11,6% ósimmen 355 mlrd teńgege satyldy.
Azyq-túlik segmenti de onlaın satylymnyń jaqsy dınamıkasyn kórsetti. Elektrondy azyq-túlik naryǵynyń kólemi de birshama ósti: 35,4 mlrd teńgeden 45,5 mlrd teńgege deıin. Sondaı-aq bıyl sýsyndar men temekilerdi ınternet arqyly edáýir úlken kólemde satyp ala bastady: 69,9 mlrd teńge, 23,3% artqan.
Boljam boıynsha, eki jyl ishinde onlaın saýda naryǵy Qazaqstan bólshek saýdasynyń 15% alady.
