Q.Týmysh Qazaqstan jalpy halqy 1,7 mıllıardtan astam Islam yntymaqtastyǵy uıymy (IYU) keńistiginde azyq-túlik qaýipsizdigin nyǵaıtý máselesine erekshe mán beretinin atap ótti. Osy rette, Qazaqstan AQIU qurýdyń bastamashysy bola turyp, Uıymnyń múshelik quramyn keńeıtýge belsendi kómektesýge jáne osy baǵytta jumysty odan ári jalǵastyrýǵa nıetti.
Sonymen qatar Mınıstrdiń orynbasary álemdegi ózgermeli geosaıası jaǵdaı men azyq-túlik qaýipsizdigine jańa qaterlerdiń paıda bolýy aıasynda AQIU áleýetin tolyqqandy paıdalanýdyń mańyzdylyǵyn atap ótti.
E.Baıdáýlet AQIU jumysynyń barysy men aǵymdaǵy qyzmeti, sondaı-aq Hatshylyqtyń 2023 jylǵy jumys josparlary týraly habardar etti. Taraptar uıymdy odan ári damytý, onyń ishinde IYU keńistigindegi óńirlik uıymdarmen jáne forýmdarmen ózara is-qımyl sheńberindegi máselelerdi talqylady.
Suhbat barysynda gýmanıtarlyq kómek kórsetýge baǵyttalǵan jobalardy, onyń ishinde Aýǵanstannyń azyq-túlik qaýipsizdigi baǵdarlamasyn (AFSP) iske asyrý, osy elge kómek kórsetýge bólingen Qazaqstan qarajatyna Aýǵanstanǵa gýmanıtarlyq konvoı jiberý máselelerine erekshe nazar aýdaryldy.
Sonymen birge Q.Týmysh E. Baıdáýletke jer silkinisinen zardap shekken Sırııaǵa qazaqstandyq gýmanıtarlyq kómekti jetkizý boıynsha kórsetken qolǵabys úshin alǵysyn bildirdi. QR Prezıdenti Qasym-Jomart Toqaevtyń tapsyrmasyna sáıkes jalpy salmaǵy 50 tonna azyq-túlik, jyly kıim, shatyrlar men tósek-oryn jabdyqtary túrindegi kómekti AQIU basshylyǵy Aleppo qalasyndaǵy Sırııanyń ýákiletti ókilderine Lıvandaǵy QR Elshiligi men Sırııadaǵy QR Konsýldyǵynyń kómegimen tabystady.
Taraptar AQIU maqsattary men mindetterine qol jetkizý jónindegi Hatshylyqtyń kúsh-jigerin Qazaqstannyń qoldaýymen yntymaqtastyqty jandandyrýǵa ýaǵdalasty.
