Móldir álem

Músirkep SEIDAHMET 1955 jyly Qaraǵandy oblysyndaǵy Ulytaý aýdanynyń Sheńber keńsharynda týǵan. Eńbek jolyn Aqtoǵaı aýdandyq «Arqa eńbekkeri» gazetinde tilshi bolyp bastaǵan. «Qanatqaqty», «Aqjarma», «Ah, darıǵa» atty kitaptardyń avtory. Shaǵyl Beles beleń bultıǵan bótegeli, Boz boıymen basady betegeni. Buıralanǵan baýraıda boz baıalysh, Baýyr basqan buldyryq bódeneni. Jazdyń júzi jaıdary jyldaǵydan, Jyldaǵydan júgirgen jylǵa jyldam. Jasarypty jyńǵyl da jelek jaıyp, Japyraǵyn joqtamaı jyldar julǵan. Shaıyr-shymshyq sharyqtap shyryldaıdy, Shabdar-shaǵyr shybjyńdap shybyndaıdy. Shyraılanyp shaǵyl da, shuraılanyp, Shýaqty jyr shabytyń shyjymdaıdy. Saǵym Shaılanyp shymqaı shaǵyldy bel-qyr, Aınalyp sulý saǵymdy jel júr. Shyǵardy shańyn saıyn dalanyń, Shaldýar quıyn, qaǵyndy kelgir. Ushynda kózdiń jyraqtaý qalǵan, Aýmaıdy shókken qyrat-taý nardan. Terbegen jandy ásem bir áýen, Syldyr da sybdyr bulaq-baý salǵan. Dalıyp dala býsaǵan del-sal, Shaǵyrmaq shýaq jýsaǵan en sal. Qaıdasyń, óleń, asaý, aryndy, Arǵymaq, aq boz mýzaǵa er sal. Mýzaǵa er sal aryndy óleń, Aıama búgin baryńdy menen. Qulazyp kóńil, jabyrqap janym, Tirlikten kereń taryldy órem, taryldy órem. Qynatas Alqara kók, sulý seńseń bórikti, Paı-paı, netken qyz-tabıǵat kórikti. Syńǵyr-syńǵyr bala-bulaq asyr sap, Oıatady boıda bula jelikti. Qyz-tabıǵat netken sulý kelisti, Ýyljyǵan jupar ańqyp jer ústi. Qaıyń-terek, órge órlep qaraǵaı, Jasyl arsha qymtap apty eńisti. Qyzyl-jasyl qyna tasty kómkerip, Búldirgeni alaý-ot bop órtenip. Qolattarda qııaq pen shı uıysyp, Kók shalǵynmen jaıqalyp tur ólkelik. О́rtenip! Shyq Dódege tasty destelep, Qudiret qalaı taý etti. Bódene kóńil kestelep, Kóbelek óleń saý etti. Betege belge jabysyp, Saǵymmen sulý oınaıdy. Qyr-dala kókpen qabysyp, Shaǵyldy shýaq boılaıdy. Ebil de sebil eńirep, Shalǵynǵa shashaq shyq tamdy. Kógildir kóılek tóńirek, Sharaına kólge suqtandy. Tobylǵy túlep, túrlenip, Týsyrap jatty saıyn qyr. Búldirgen belder búrlenip, Boztorǵaı tókti qaıym jyr. Kók púlish salyp astarǵa, Yzylǵan betkeı syrmaqtaı. Sharyqtap kóńil aspanǵa, Qaǵady qanat turlatpaı. Sharby bult Jelegi jeldiń jelkildep, Serilik qurdy qyr asyp. Jansebil jantaq jelpildep, О́limmen jatyr yrǵasyp. Usharyn qańbaq jel bilip, Sekirip tústi, bir yrshyp. Sym shegin shertti sher ilip, Jylaýyq jeli yńyrsyp. Sharby bult syndy sharana, Sharasyz kókte shubaıdy. Begazy baısal shal ana, Shaý tartyp qalǵan syńaıly. Tolqyndy tolqyn qýalap, Tebisip jatyr jaǵada. Baqsy-jel taǵy dýalap, Zikirin saldy dalada. Shegelep jazdyń tabytyn, Kúz jylap, kómip jerledi. Shaqyrar bazda shabytyn, Táńirdiń mezgil – ermegi. Músirkep SEIDAHMET. Qaraǵandy oblysy, Aqtoǵaı aýdany, Aqtoǵaı aýyly.