20 naýryz ben 1 sáýir aralyǵynda Malaızııanyń Kýchıng qalasynda World Junior Tennis Competition 14&under Azııa – Tynyq muhıt aımaǵy boıynsha irikteý kezeńiniń toptyq básekesi ótedi.
Osy dodada Qazaqstan namysyn tómendegi tennısshiler qorǵaıdy:
Uldar:
Mıhaıl Mıshenko (Almaty),
Iаroslav Pshenıchnyı (Astana),
Mansur Saıynov (Aqtóbe).
Komanda kapıtany - Sergeı Kvak.
Qyzdar:
Eva Korysheva (Aqtóbe),
Sabına Shýhratova (Shymkent),
Erkejan Jańataeva (Almaty).
Komanda kapıtany - Mádına Rahym.
Irikteý kezeńinde 16 komanda tórt topqa bólinip, baq synaıdy. Ár toptan eki qurama pleı-off kezeńine shyǵady. Sosyn komandalyq álem chempıonatynyń fınalyna beriletin joldamany sarapqa salady. Bıyl Azııa – Tynyq muhıt aımaǵynan uldar quramasyna 4, qyzdarǵa 3 joldama beriledi.
О́tken jyly 14 jasqa deıingiler arasynda qazaqstandyq jasóspirimder alǵash ret komandalyq álem chempıonatynyń fınaldyq kezeńine qatysyp, qola júlde úshin básekede AQSh quramasyna jol berdi. Sóıtip úzdik tórttikke ilikti.
