Tórt qalada elektrovoz óndirisi ashylady

2022 jyly qarashada Mem­leket basshysynyń Fran­sııa­­ǵa resmı sapary aıasynda «Qa­zaq­stan temir joly» UK» AQ men «Alstom Transport SA» AQ ara­synda birqatar kelisimge qol qoıylǵan bolatyn. Kelisim bo­ıynsha, «Alstom» kompanııasy 2023-2029 jyldar aralyǵynda qazaqstandyq zaýytta elektrovoz shyǵarady jáne «Qazaqstan temir joly» UK» AQ úshin 245 elektrovoz jetkizip beredi.

Tórt qalada ashyl­ǵaly otyr­ǵan óndiristik jo­ba­lardy júze­ge asyrýǵa «Alstom» 50 mıl­lıon eýro sha­ma­synda ınves­tısııa salýdy kózdep otyr. Osynaý ıgi shara eli­mizdegi elektrovoz tapshylyǵy máselesin she­­shedi jáne Qazaqstan júk jónel­tý­shilerine sapaly qyzmet kórsetýge múmkindik ashady.

Syrtqy ister mınıstriniń orynbasary Roman Vasılen­ko­nyń aıtýynsha, byltyr Qazaq­stan men Eýropalyq odaq elderi arasyndaǵy ózara taýar aınalymy 27,6 paıyzǵa ósip, 40 mlrd AQSh dollaryna jetken.

«Qazaqstan EO jáne oǵan múshe memlekettermen keńeı­tilgen áriptestik pen ynty­maq­tas­tyq týraly kelisimge qol qoı­ǵan jáne ony ratıfı­ka­sııa­la­ǵan aımaqtaǵy jalǵyz el bolyp qala beredi. Bul rette Qazaqstan ótken jyly sırek kezdesetin metaldar, «jasyl» sýtegi, akký­mý­lıa­tor, kólik-logıstıkalyq ále­ýetti damytý, sondaı-aq ta­ýar­lardy jetkizý tizbegin árta­rap­tandyrý sııaqty jańa salalarda yntymaqtastyq ornatty», dedi mınıstrdiń orynbasary.