Jeke jaýapkershilikti kúsheıtý talap etildi

Prezıdent Ákimshiligi bas­qarýshy laýazymdy tulǵalardyń Memleket basshysy alǵa qoı­ǵan mindetterdi júzege asyrý úshin jeke jaýapkershiligin kúsheı­tý jónindegi saıasatyn jalǵas­tyrýda. Apta saıynǵy pishinde Mem­leket basshysynyń aktileri men tapsyrmalaryn sapaly já­ne ýaqtyly oryndaý boıynsha Premer-Mınıstr Keńsesi bas­shy­lyǵynyń, mınıstrlerdiń oryn­basarlarynyń, jaýapty hat­shylardyń, oblys ákimderi oryn­basarlary men ulttyq kom­panııalar basshylarynyń júr­gizilip jatqan jumys týraly esepterin tyńdaý ótkiziledi. Prezıdenttiń 2010 jyl­dyń 27 sáýirindegi №976 Jar­ly­ǵyna sáıkes kezekti esep berý qo­rytyndylary boıynsha Mem­leket basshysynyń tapsyrmalaryn sapasyz oryndaǵany úshin 5 saıası memlekettik qyzmetker tártiptik jaýapkershilikke tartyldy. Premer-Mınıstrdiń óki­mimen Memleket basshysynyń «El agroónerkásip keshenin damy­týdyń 2020 jylǵa deıingi baǵdar­lamasyn jasaý boıynsha» tapsyrmasyn sapasyz oryndaǵany úshin Aýyl sharýashylyǵy vıse-mınıstri S.Omarovqa eskertý jarııalandy. Astana qalasy, Shyǵys Qa­zaq­stan, Qaraǵandy, Mańǵystaý oblystary ákimderiniń ókimderimen: – Memleket basshysynyń «Kom­mýnaldyq qyzmet pen Jer­uıyq saıabaǵynyń qurylysyna tólem úshin birtutas tólem qu­ja­tyn engizý boıynsha» tapsyrmasyn sapasyz oryndaǵany úshin Astana qalasy ákiminiń orynbasary V.L.Krylovqa sógis jarııa­landy; – О́skemen qalasyndaǵy Qan ortalyǵy qurylysyn aıaq­­taý merzimin birneshe már­te aýys­tyrǵany, sondaı-aq, Memleket bas­shysynyń densaýlyq saq­taý nysandary boıynsha tapsyr­masy sheńberinde «350 dári­gerlik ambýlatorııalar men emhanalar qurylysy boıynsha» qujattamalardy ýaqtyly jasamaǵany úshin Shyǵys Qazaq­stan oblysy ákiminiń orynbasary E.Tekeshovke qatań sógis jarııalandy, Qaraǵandy oblysy ákiminiń birinshi orynbasary Ǵ.Muhambetovke sógis jarııalandy, Mańǵystaý oblysy ákiminiń birinshi orynbasary S.Aldashovqa eskertý jarııalandy. Prezıdent Ákimshiligi men Úkimettiń Memleket bas­shy­synyń tapsyrmalaryn ýaq­tyly jáne sapaly oryndaý boı­ynsha birlesken jumysy jalǵastyrylatyn bolady.