Qylmystyq topqa qatysýshylardyń qylmysyn áshkereleý boıynsha ótkizilgen arnaıy operasııa barysynda polısııa organdaryna 10 kúdikti jetkizilgen.
«Olar kúzet qyzmetinde ózderi yqpalyn júrgizetin aýmaqtardy bóliske salý úshin birneshe ret qylmystyq qaqtyǵystarǵa qatysqan. Oıyn-saýyq oryndarynda ádeıi janjal týǵyzyp, sol oryndardyń ıelerin ózderiniń qamqorlyǵyn qabyldaýǵa májbúr etken. Qylmystyq toptyń birqatar aýyr jáne asa aýyr qylmys jasaýǵa, sonyń ishinde kisi óltirýge oqtalý, aýyr dene jaraqattary men buzaqylyq jasaýǵa qatysy bar ekeni anyqtaldy», delingen habarlamada.
Sonymen qatar olar áleýmettik jelilerde qoǵamdyq oryndarda atys qarýyn qoldanatyn beınerolıkterdi birneshe ret jarııalap, ózderiniń shamadan tys erkinsip ketkenderin kórsetkeni aıtyldy. 20-dan asa tintý sharalary júrgizildi, oq-dáriler, sýyq qarý jáne basqa da zattaı dáleldemeler tárkilendi.
Sotaldy tergeý jalǵasyp jatyr.
