Aqmaral buǵan deıin úsh balany ómirge ákelgen. Onyń úlken uly 8 jasta.
Úshemniń úlkeni - Qarakózdiń salmaǵy 2460 gr, Sadyq - 2100 gr, Sydyq - 1820 gr. Qarasaı aýdanaralyq kóp beıindi ana men bala densaýlyǵyn saqtaý aýrýhanasy dırektorynyń orynbasary Indıra Kabaeva áıeldiń júktilik kezinde qatań baqylaýda bolǵanyn aıtty.
«Úshemder júktiliktiń 36-shy aptasynda dúnıege keldi. Úshemniń júktiligi árqashan ana men sábıler úshin úlken qaýip sanalady, sondyqtan áıel búkil ýaqyt boıy baqylaýda boldy. Úshem kesar tiligi arqyly dúnıege keldi. Búginde olardyń densaýlyǵy jaqsy, jaǵdaıy turaqty», dedi Indıra Kabaeva.
Ata-analar Qarasaı aýdanaralyq kóp beıindi aýrýhanasynyń barlyq medısına qyzmetkerlerine bilikti kómek kórsetkeni úshin alǵystaryn bildirdi.
«Aýrýhananyń búkil bosandyrý bólimshesine, operasııa jasaıtyn jáne emdeýshi dárigerlerine zor alǵysymdy bildiremin. Medısınalyq mekemelerde qolaıly jaǵdaı jasaǵandary, zamanaýı jabdyqtardyń bolýy, bilikti mamandardyń joǵary kásibıligi úshin rahmet. Sizderdiń arqalaryńyzda bizdiń sábıler din aman ómirge keldi», dedi sábılerdiń anasy.
Indıra Kabaevanyń aıtýynsha, jańa týǵan nárestelerge kútim jasaý boıynsha barlyq qajetti kómek kórsetiledi.
«Anaǵa meıirgerler kómektesedi, al ýchaskelik dáriger nárestelerdiń jaǵdaıyn baqylaýda ustaıdy. Sondaı-aq olardy qajetti balalar tamaǵymen qamtamasyz etemiz», dedi ol.
